اسلام آباد 14 مئي (اے پي پي) د كورنيو چارو وفاقي وزير رانا ثناء الله وئيلي دي چې د اتحادي ګوندونو په مرسته به موجوده معاشي صورتحال ښه كوٶ٬ چا ته به په هېواد كښې د امن د صورتحال خرابولو اجازه ورنه كړو، د پاکستان تحريک انصاف حكومت د هېواد معيشت د تباهۍ ذمه وار دے۔ د دې خيالاتو څرګندونه ده د خالي په ورځ خپلو خبرو كښې وكړه ۔ رانا ثنا الله ووئيل مونږ له به په بېلا بېلو څيزونو د سبسډي كمولو لپاره اتحاديانو سره په مشاورت سختې پرېكړې كول دي او مونږ به يو اړخيزه سبسډي نه ختموٶ۔ د سيالكوټ په كليسا ګراٶنډ د پي ټي آئي لخوا د جلسې رابللو پحقله د پوښتنې په ځواب ده ووئيل چا ته به په هېواد كښې د امن د صورتحال خرابولو اجازه ورنه كړو٬ د حكومت ذمه واري ده چې د ھر وګړي تحفظ وكړي
