اسلام آباد۔14مئی(اے پی پی) داخله وزير رانا ثناﺀ الله وئيلي دي د مدينې رياست په نامه سياست كوؤنكې عمران نيازي په هېواد كښې مذهبي اړې ګړې خپروي ٬ ګرجا ګھر د جلسې ځائې جوړولو هڅه كولو سره يۍ مذهبي جذبات پارولي دي٬ عمران نيازي پاكستان لپاره خطر جوړ شوې دې٬ د ده د شر نه څوك هم محفوظ نه دي ٬ كوم هم ګوند ته به زبردستۍ سره په هېواد كښې د ملوكيت نافذ كولو اجازه كله ورنكړؤ۔ د دې خيالاتو څرګندونه ده د خالي په ورځ په سيالكوټ كښې د پي ټي آئي د ګرجا ګھر په ځايې د جلسې كولو حوالې سره جاري كړي خپل بيان كښې وكړه۔ داخله وزير ووئيل خونړي مارچ كوؤنكو په سيالكوټ كښې په ګرجا ګھر بريد وكړو ، عمران نیازی اول د مسجد نبوي د سپكاوي ارتكاب وكړو او نن يۍ د ګرجا ګھر په ځائې د جلسې ځائې كولو هڅه كولو سره د مسيحي ورورولۍ جذبات وپارول۔ ده ووئيل د مدينې رياست په نامه سياست كوؤنكې عمران نيازي په هېواد كښې مذهبي اړې ګړې خپروي ٬ ګرجا ګھر د جلسې ځائې جوړولو هڅه كولو سره يۍ مذهبي جذبات پارولي دي٬ عمران نيازي پاكستان لپاره خطر جوړ شوې دې٬ د ده د شر نه كومه ادارې محفوظ ده نه جومات او نه ګرجا ګھر۔ ده ووئيل د ګرجا ګھر په ځائې جلسه كوؤنكې فسطائي ذهنيت لرونكې په بني ګاله كښې ناست يو سړے مسيحي ورورلۍ ته خپل حاكميت ښودل غواړي۔ ده ووئيل رياست به په هر صورت د خپلو اقليتونو تحفظ كوي او د دوئي مذهبي ځايونه سياست لپاره د كارول كېدو به كله هم اجازه ورنكړي۔ ده عمران نيازي ته خبردارې وركولو سره ووئيل د هېواد په كومه هم برخه كښې كه امن ته زيان ورسولې شو نو قانون به خپله لاره پخپله جوړوي۔
