لاهور 08 مئي (اے پي پي) د اطلاعاتو او خپرونو وفاقي وزيرې مريم اورنګزېب وئيلي دي چې د عمران نيازي د كرپشن ريكارډ د اولس په وړاندې راځي، په نورو تورونه لګونګې عمران نيازي په خپله دروغجن، غل او سازشي دے، د عمران نيازي په مشرې كښې مافيا څلور كاله اولس لوټ كړے، په پخواني دور كښې د ګرانې، قرضونو او معاشي بدحالې ريكارډ جوړ شوے، 60 لكه خلق بې روزګاره شوي دي، دوه كروړه خلق د غربت د ليكې نه لاندې تللي دي، نن د فرح ګوګي د اربونو د كرپشن قېصې د هر وګړي په خله دي، فرح ګوګي فرنټ پرسن جوړولو سره د قوم د اربونو روپو لوټ كولو حساب به وركول وي، په كشمير فروشې به د پاكستان او كشمير اولس عمران نيازي كله هم ونه بخښي، د عمران نيازي په ضد چا هم سازش نه دے كړے، عمران نيازي پخپله لوي سازشي دے، اولس هغه د اقتدار نه بهر كړے. هغې دا خبرې د اتوار په ورځ په لاهور پرېس كلب كښې مېډيا سره د خبرو په مهال وكړې. وفاقي وزير ووئيل چې نن هغه خپلې بدزبانې سره د پاكستان اولس ته پېغام وركوي، عمران خان نن هم په خپل يو تقرير كښې د خپل ځان غلاظت لړلې، كوم چې د پاكستان اولس هم ليدلې. هغې ووئيل چې كه د پاكستان د ځوانانو تربيه د عمران خان په لاس كښې وركړې شوه نو والدين دې د اوس نه توبه وباسي. وفاقي وزيرې ووئيل چې د عمران خان په دور كښې د مېډيا او پارلمان ژبه بند كړې شوې وه. هغې ووئيل چې د پرېس كلب د ستونزو نه خبر يو، سېكرټري انفارمېشن ، پي آئي او دا ستونزې نوټ كړې دي كومې به چې ډېرې زر حل كړې شي.
