وزيراعظم محمد شهباز شريف په نوې مشينرې سنبال د 350 بستر د سليم مېموريل ټرسټ روغتون پرانسته وكړه، روغتون جوړول د انسانيت ډېر لوي خدمت دے. شهباز شريف

لاهور 08 مئي (اے پي پي) وزيراعظم محمد شهباز شريف وئيلي دي چې د سليم مېموريل ټرسټ روغتون په جوړولو كښې مرسته كوونكو په دنيا او اخرت كښې ګټه ترلاسه كړې ده، روغتون جوړول د انسانيت ډېر لوي خدمت دے. ده دا خبرې د اتوار په ورځ په لاهور كښې په كېنال روډ د سليم مېموريل ټرسټ روغتون پرانستې دستورې ته په خپله وېنا كښې وكړې. په دې موقع خواجه عمران نذير، د سليم مېموريل ټرسټ روغتون چيئرمېن شهزاد سليم، نامتو صنعتكار ميا منشا او نور اعلٰی چارواكي هم موجود وو. وزيراعظم دستورې ته په خپله وېنا كښې ووئيل چې د آزاد كشمير او ګلګت بلستان پشمول د څلورو واړو صوبو د زرګونو په شمېر خلق به د دې روغتون څخه استفاده وكړي. دلته به د مستحق رنځورانو وړيا علاج كولې شي. وزيراعظم ووئيل چې په تېر حكومت كښې د اولس د خېر ښېګړې پروژې تاخير سره مخ شوې دي، مونږ ته د ذاتي ګټو نه بالا د قوم د بهترې فكر كول وي. د 20 اربه روپو په لګښت جوړېدونكې پاكستان كډني اېنډ ليور ټرانس پلانټ انسټي ټيوټ تعطل سره مخ كړے شو. وزيراعظم ووئيل چې په تېر وخت كښې د ده حكومت په 1122 پروژو كار وكړو. بايد زمونږ پام د اولس پرمختګ او خوشحالې ته وي. وزيراعظم ووئيل چې په څلور واړو صوبو كښې به داسې اسانيې لرونكي روغتونونه جوړولې شي. ميا محمد منشا يو نامتو صنعتكار دے، د هغه لوي احترام دے. وزيراعظم ووئيل چې د ټرسټ چيئرمېن سليم شهزاد ارواښاد والد هم سكول او د روغتيا يونټ جوړ كړي. په تكليف كښې د انسانيت او رنځورانو حدمت كوونكي دا خلق په جنت كښې كور جوړوي او دا صدقه جاريه هم ده. په دې موقع وزيراعظم ووئيل چې د نامتو صنعتكار ميا منشا د پاكستان په پرمختګ كښې مهم رول دے، ده په پاكستان كښې لوي نوم ګټلے دے او هغه ته تجويز وركوو چې داسې څلور روغتونونه دې د پاكستان په نورو صوبو كښې هم جوړ كړے شي. په دې ميا منشا د نورو روغتونونو جوړولو ملاتړ وكړو. د دې څخه وړاندې وزيراعظم محمد شهباز شريف د سليم مېموريل ټرسټ روغتون پرانسته وكړه او د بېلا بېلو څانګو ئې دوره وكړه. د روغتون په جوړولو څلور نيم اربه روپې لګښت راغلے.