اسلام آباد 05 مارچ (اے پي پي) خارجه وزير مخدوم شاه محمود قريشي وئيلي دي چې د يوكرېن او روسيې ترمېنځه په تاٶ تريخوالي كښې د ملګرو ملتونو د چارټر د بنيادي اصولو له مخې كمي راوستلو ، د ګڼ اړخيزه لوظنامو، د نړيوال قانون او د ملګرو ملتونو د چارټر له مخې د شخړې د سفارتي حل ضرورت دے، هيله ده چې د روسيې او يوكرېن ترمېنځه پېل شوي مذاكرات به د سفارتي حل په لټونو كښې كامياب شي. د خالي په ورځ د روسيې خارجه وزير سرګئي لاروف سره خارجه وزير شاه محمود قريشي په ټيليفون خبرې وكړې. په دې موقع په دوه اړخيزه اړيكو او سيمه ايز صورتحال خبرې اترې وشوې. د وزيراعظم د روسيې اوسنې دورې حواله وركولو سره دواړو خارجه وزيرانو په دوه اړخيزه اېجنډا او د افغانستان پشمول د منطقې په مهمو موضوعاتو تفصيلي خبرې وكړې. د روسيې خارجه وزير سرګئي لاروف د مارچ په 4مه نېټه كال 2022م كښې په پېښور كښې د ترهګرې په پېښه كښې په قېمتي ځاني زيان د افسوس څرګندونه كولو سره د روسيې لخوا د هر ډول ترهګرې په غندنه زور راوړو. دواړو خارجه وزيرانو په افغانستان كښې د امن او استحكام شريكو اهدافو لپاره په ګډه د كار په روان ساتلو اتفاق وكړو. خارجه وزير شاه محمود قريشي د يوكرېن په تازه صورتحال د پاكستان د اندېښنې حواله وركولو سره د ملګرو ملتونو د چارټر د بنيادي اصولو له مخې د تاٶ تريخوالي د كمولو په ضرورت زور راوړو. خارجه وزير د روسيې خارجه وزير د شخړې سوله ايز حل لپاره د يوكرېن، پولېنډ، رومانيه او هنګري خارجه وزيرانو او د اروپائي اېتلاف د خارجه چارو اعلٰی استازي سره د شويو ټيليفوني رابطو نه خبر كړو. ده ووئيل چې هيله ده چې د روسيې او يوكرېن ترمېنځه پېل شوي مذاكرات به د سفارتي حل په لټونو كښې كامياب شي. د روسيې خارجه مخدوم شاه محمود قريشي په صورتحال د روسيې د نظر څخه خبر كړو. خارجه وزير شاه محمود قريشي ووئيل چې د يوكرېن څخه د پاكستاني وګړو محفوظ او زر راستنېدل د حكومت وړومبې ترجيح ده ، په دې لړ كښې د روسيې حكومت ته د مرستې او اسانيې وركولو خواست دے. د روسيې خارجه وزير د پاكستاني وګړو محفوظ انخلا په اړه د مكمل مرستې باور وركړو. دواړو خارجه وزيرانو په بدلېدونكي صورتحال د رابطې په جاري ساتلو اتفاق وكړو.
