پېنډې 18 جنوري (اے پي پي) په شمالي وزيرستان كښې د امنيتي ځواكونو په عملياتو كښې 2 ترهګر وژلے شوي ، د عملياتو په مهال وسله او چاودېدونكي توكي هم ترلاسه كړې شوي . د پاك پوځ د اولسي اړيكو څانګې ﴿آئي اېس پي آر﴾ له مخې د شمالي وزيرستان په تهل سيمه كښې د ترهګرو د موجودګۍ په اطلاع امنيتي ځواكونو د انټېلي جنس په بنياد عمليات وكړل. د سختو ډزو په تبادله كښې 2 ترهګر غيور او بهاٶالدين وژلے شول . د عملياتو په مهال په لوي مقدار وسله او چاودېدونكي توكي هم ترلاسه كړے شوي. وژلے شوي ترهګر د امنيتي ځواكونو په ضد د ترهګرې، هدفي وژنو او تاوان لپاره د تښتونې په پېښو كښې ككړ وو.
