اسلام آباد 29دسمبر(اے پی پی) د نجكارۍ وفاقي وزير محمد ميا سومرو او د توان وفاقي وزير حماد اظهر په مشرۍ كښې غونډه كښې د پاكستان سټيل ملز او هيوي اليكټريكل كمپليكس نجكارۍ چارو په اړه غور وشو۔تېره ورځ غونډه كښې د نجكارۍ وفاقي سېكرټريز٬د پېټروليم٬ انډسټريز او پاور ډويژن وزارت سينئر استازي٬مالياتي صلاحكار٬د هيوي اليكټريكل كمپليكس او د سوئي سدرن ګيس استازو هم ګډون كړے ۔په غونډه كښې د سوئي سدرن ګېس لخوا د پاكستان سټيل ملز واجبات په لائحه عمل بريفنګ هم وركړے شو۔په غونډه كښې ووئيل شولد سټيل ملز بحالۍ لپاره د منظور شوې سټركچر له مخې ذيلي كمپنۍ له يوټېلټي كنكشنز وركول ضروري دي۔د دې نه پس پريكړه وكړې شوه چې سوئي سدرن ګېس به د غېر وصول شوو واجباتو ادائيګي او د نجكارۍ وزارت ته اېن او سي وركولو په اړه معامله خپل بورډ ته لېږلي۔حماد اظهر ووئېل ډېر زر به د بورډ په غونډه كښې اړوند معامله حل كړې شي۔د دې نه علاوه د توان وزير ته د هيوي اليكټريكل كمپليكس لپاره په ټائپ ټېسټنګ لائسنس كښې د پراختيا سفارش وړاندېكړے شو۔د نجكارۍ وفاقي وزير محمد ميا سومرو ووئيل مونږ د پیټروليم ډويژن څخه په لائسنس كښې د پراختيا سفارش كوو۔ياده شوې معامله اېن ټي ډي سي او نجكارۍ لپاره د كابينې په كمېټۍ كښې د اېښودلو تجويز هم وركړے شو۔ د نجكارۍ وفاقي وزير محمد ميا سومرو ووئيل په لائسنس كښې پراختيا د هيوي اليكټريكل كمپليكس نيلامۍ څخه وړاندې غواړو۔د دې نه پس د نجكارۍ وفاقي وزير د پرائيوېټائزېشن پروګرام جائزې غونډې هم مشري وكړه
