په انډونېزيا كښې په سمندري بېړې كښې د اور لګېدو په پېښه كښې 5 كسان مړه شوي دي

جكارته 20 مئي (اے پي پي) په انډونېزيا كښې په سمندري بېړې كښې د اور لګېدو په پېښه كښې 5 كسان مړه شوي دي۔ د مېډيا له مخې جاوا جزيرې سره نزدې په يوه سمندري بېړې كښې ناڅاپي اور ولګېدو۔ د دې نه پس كپتان مسافرو ته د بېړې نه د وتلو هدايت وكړو۔ د پېښې په مهال 141 مسافر بچ كړې شوي دي۔ په پېښه كښې 5 كسان مړه شوي هم دي۔ د چارواكو له مخې دا پېښه په بېړې كښې د شارټ سركټ له امله رامېنځ ته شوې۔ په انډونېزيا كښې د روان كال د جنورې په مياشت كښې په داسې يوه پېښه كښې 23 كسان مړه شوي وو۔