پېښور 08 دسمبر (اے پي پي) وزيراعظم عمران خان غريبانانو لپاره زيات ريليف وركولو له د هېواد په تاريخ كښې د سماجي تحفظ لوے پروګرام پېل كړې دغسې چې د مدينې رياست په طرز فلاحي رياست جوړ كړې شي٬ هېواد كښې د ګرانۍ مخنيوي لپاره مو احساس راشن پروګرام پېل كړے دے چې له مخې به ئې اوړه٬ غوړي او دالونه په دېرش فيصده ټيټه بيعه وركولې شي، بل يو پروګرام به پېل كوٶ چې له مخې به ئې 20 لكه د انتهائي کم آمدن كورنيو ته د سود نه غېر قرض وركوٶ٬ د هرې مستحق كورنۍ يو كس به هنر مند كوٶ۔ ګرد پنجاب كښې په جنورۍ كښې هېلت انشورنس وركوٶ٬ د بلوچستان اعلٰې وزير هم د هيلت انشورنس پرېكړه كړې ده۔ د دې خيالاتو څرګندونه ده د شورو په ورځ په ګورنر هاٶس پېښور كښې د احساس کفالت پروګرام له مخې د چېكونو د وېش دستورې ته خپلې وېنا كښې وكړه۔ په دې موقع د اطلاعاتو او خپرونو وفاقي وزير چوهدري فواد حسېن، د غربت تخفيف لپاره د وزيراعظم خاص مرستياله ډاکټر ثانيه نشتر، د خېبر پښتونخوا ګورنر شاه فرمان ، وزيراعلي محمود خان او نور سينئر چارواكي هم موجود وو۔ وزيراعظم ووئيل چې 25 كاله وړاندې كله چې تحريك انصاف جوړ كړے شو نو زمونږ منشور واضح ٶ چې پاکستان يو اسلامي فلاحي رياست جوړول دي۔ ده ووئيل احساس راشن رعايت پروګرام اجراء سره به وګړو ته اوړه٬ غوړي٬ تېل او دالونه په دېرش فيصده رعايت وركولې شي، د احساس راشن پروګرام مجموعي لګښت 120 ربه روپۍ دے٬ د پروګرام څخه به دوه كروړه كورنۍ او نزدې 13 كروړه كسان مستفيد شي كوم چې د هېواد د مجموعي آبادۍ تقريباً 53 فيصده دي، د مياشتې د 50 زره نه كم آمدن كورنۍ به د دې پروګرام څخه د استفادې اهل وي۔ اهل مصرف كوٶنكي ته به په مجموعي خريدارۍ 30 فيصده رعايت وركولې شي، دا رعايت به په اوړو٬ غوړو٬ تېلو او دالونو وركولې شي٬ د کريانه سټور مالکان په دې پروګرام كښې رجسټرډ كېدې شي۔ وزيراعظم عمران خان ووئيل د صحت كارډ اجراء هم د دلته نه شوې وه، اوس د نوي پاكستان كارډ پېل هم د دلته نه كولې كېږي كوم چې دې صوبې لپاره يو اعزاز دے، د يو اېن ډي پي رپورټ دې چې د كال 2013 نه تر كال 2018 په خېبرپښتونخوا كښې په زياته تندۍ سره غربت كښې كمې راغلے ٬ دا صوبه ترهګرۍ سره زياته ځپلې شوې وه۔ ده ووئيل اوس صوبه كښې په وړومبي ځل 30 فيصده خلقو ته هېلت انشورنس ترلاسه شوې، بې وسه كسانو لپاره د كېنسر درملنې لپاره روغتون جوړ كړے شوے۔ وزيراعظم ووئيل د كورونا نړيواله وباء په مهال په بنديزونو نه لګولو په ما ډېر تنقيد شوے خو اوس نړۍ دا وائي چې پاكستان په ښه ډول خپل ځان د كورونا وائرس وباء د سخت صورتحال نه بهر كړې او نړيوالې مجلې “دي اكانومسټ” هم خپل رپورټ كښې ليكلي دي چې د كورونا وباء په مهال پاكستان خپل خلق او معيشت دواړه بچ كړي۔ ده ووئيل ټول پنجاب ته هېلته انشورنس وركوٶ٬ د بلوچستان وزيراعلي هم د هېلت انشورنس وركولو پرېكړه كړې ده٬ كوم كوم ځائ چې زمونږ حكومت دے هلته به هرې كورنۍ ته درملنې لپاره لس لكه روپۍ وركوٶ٬ د درملنې سهولت وركول مونږ د فلاحي رياست په پلو بوځي ٬ دا مهال مونږ زده كوٶنكو ته د سكالرشس په مد كښې 47 اربه 63 لكه روپۍ وركوٶ، سکالرشپس به په مېرټ وركولې شي٬ په راتلونكو لسو كلونو كښې به لس بندونه جوړوو، زمونږ هېواد ډېر په تندۍ سره پرمختګ كوي۔ وزيراعظم عمران خان ووئيل دلته پټرول او ډيزلو بيعه د نړۍ د زياتره هېوادونو په مقابل كښې ټيټه ده۔ وزیراعظم عمران خان ووئيل بېلين ټري منصوبه د تحريك انصاف يوه تاريخي كاميابي ده او وزيراعظم د اربونو په شمېر په اونو لګولو د خېبرپښتونخوا د واكمنو ستائنه وكړه ۔ ده ووئيل د برآمداتو ودې لپاره د صنعت په څانګه كښې اصلاحات معرفي كوٶ۔ د دې نه وړاندې د وزیراعظم احساس راشن پروګرام په اړه د اطلاعات او خپرونو وزارت او د غربت د تحفيف او سماجي تحفظ ډويژن لخوا تيارې كړې شوې وده وېډيوز وښودلې شې چې مقصد ېې سامعين د دې پروګرام د اهم خدوښال او د اندراج د طريقه كار نه خبرول وو۔ دا خبره د ذكر وړه چې د خېبرپښتونخوا واكدارانو جذبه او د خدمت سره د صوبې هر وګړي ته د وېړيا درملنې سهولت وركولو مثالي كردار ادا كړې دې۔ د صحت کارډ پلس سکیم له مخې ګرد هېواد كښې 679 روغتونونه په پېنل دي او ټوله صوببه كښې 193 روغتونونه په پېنل دي٬ دغسې په روغتونونو كښې د داخل كسانو شمېره 7 لكه 90 زره 960 او د رجسټرډ كورنيو شمېره 75 لكه 90 زره 944 ده ٬ د حكومت لخوا د صحت په سهولت په مجموعي توګه 18.3 اربه روپۍ خرڅ شوې دي٬ د صحت کارډ سهولت څخه د مستفيد كېدونكو كسانو شمېره كښې اضافه په دې سكيم او حكومت د بشپړه باور څړګندونه ده
