اسلام آباد 06 دسمبر (اے پي پي) وزيراعظم عمران خان وئيلي دي چې اوسني حكومت د سپورټس نوې پاليسي معرفي كړې چې ورسره به د ځوانانو ټېلنټ رامخې ته شي٬ سپورټس باډيز كښې د مافياز خاتمه شوې ده٬ په خېبر پښتونخوا كښې 300 او پنجاب كښې 260 لوبغالي جوړ كړې شوې دي٬ په هر يونين كونسل كښې لوبغالي پكار دي٬ زده كوٶنكو ته مو د هېواد په تاريخ كښې زيات سكالرشپس وركړې دي، تر اوسه 63 لكه مستحق ځوانانو ته د 47 اربه روپو وظيفې وركړې شوې دي۔ د دې خيالاتو څرګندونه ده د ګل په ورځ په جناح سټېډيم اسلام آباد كښې د هېواد د تاريخ د لوبو لويو مقابلو “كامياب جوان سپورټس ډرائيو” پرانستې دستورې ته خپله وېنا كښې وكړه ۔په دې موقع د بېن الصوبائي رابطو وزيره ډاکټر فهميده مرزا، د تعليم وفاقي وزير شفقت محمود، د توان وزير حماد اظهر او د ځوانانو چارو لپاره د وزيراعظم خاص مرستيال عثمان ډار هم موجود ٶ۔ وزيراعظم د کامياب جوان سپورټس ډرائيو په كولو عثمان ډار ته پېرزوئنې وړاندې كړې۔ ده ووئيل ځوانانو لپاره لوبې ډېرې ضروري دي٬ ما 21 كاله په نړيوال سپورټس ګراٶنډ كښې تېر كړې دي٬ زه ځوانانو ته دا پېغام وركول غواړم چې لوبو څخه ھغوي مقابله كول زده كولې شي٬ لوبو سره مونږ ګټه او زيان زده كولې شؤ٬ لوبې مونږ ته دا ښائي چې ماتي سره به زړه نه بائيلو ٬ د غورځېدو نه پس بيا اودرېدو سره مقابله كول دي٬ سپورټس مېن له سخت وخت څخه نه وېرېږي او زړه نه بائيلي ځكه چې انسان ھغه وخت ماتي سره مخ كېږي كله چې ھغه د ماتي نه پس د خپلو غلطو جاج نه اخلي او د وړاندې نه زياته خواري نه كوي٬ دې لپاره ځوانانو ته زه دا نصيحت كول غواړم چې ھغوي دې د لوبو د لارې د مقابلې صلاحيت ترلاسه كړي٬ لوبې زمونږ صحت لپاره هم ضروري دې كوم چې د لوي څښتن لوے نعمت دے٬ د دې بايد انسان قدر وكړي۔ وزيراعظم ووئيل د پاكستان 70 فيصده آبادي د 30 كالو نه په كم عمر ځوانانو مشتمل ده٬ زمونږ حكومت ځوانانو له د لوبو بشپړه موقعې وركولو لپاره لوبغالي جوړ كړې دي٬ په خېبر پښتونخوا كښې تر اوسه 300 او په پنجاب كښې 260 ګراونډز جوړ كړې شوې دي٬ په هر يونين كونسل كښې د لوبو مېدان پكار دې۔ وزيراعظم ووئيل د نيوزي لېنډ آبادي يواځې 50 لكه ده دغلته د 22 كروړه آبادۍ هېواد (پاكستان) په مقابل كښې هم زيات د لوبو مېدانونه دي٬ زمونږ حكومت هېواد كښې د لوبو د مېدانونو جال خپرولو له هڅې كوي۔ ده ووئيل زمونږ حكومت د ځوانانو تعليم لپاره بشپړه موقعې پېدا كولو لپاره اقدامات كوي٬ د پنجاب او خپېرپښتونخوا صوبائي واكمنو او وفاقي حكومت 63 لكه ځوانانو ته د 47 اربه روپو سكالرشپس وركړې دي۔ ده ووئيل مونږ دا خواهش لرو چې پاكستان په نړيواله كچه سپورټس كښې ګډون وكړي دې لپاره ټېلنټ هنټ پروګرام پېل كړې شوې دې او د لوبو زيات مېدانونه جوړٶ٬سنټر آف اېکسي لېنس جوړولو سره به ټېلنټ پروموټ كوٶ۔ ده ووئيل حکومت د سپورټس باډيز اصلاح كوي٬ نوې سپورټس پاليسي معرفي كړې شوې ده او پخوانې نظام چې په سپورټس باډيز كښې مافياز ٶ د ھغوي خاتمه شوې ده۔ وزيراعظم د دې هيلې څرګندونه وكړه چې كامياب جوان سپورټس ډرائيو څخه به پاکستان لپاره د ځوانانو ټېلنټ رامخې ته شي۔ د دې نه وړاندې وزيراعظم مشال روښانه كولو سره د سپورټس ډرائيو پرانسته وكړه۔ د کامياب جوان سپورټس ډرائيو له مخې ټېلنټ هنټ كښې شپږ زره اتهليټس برخه اخلي۔ د پروګرام له مخې د 4 اربه روپو 4 نوې منصوبه پېل كړې شوې دي٬ سپورټس ډرائيو له مخې د 15 نه تر 25 كالو ځوانان چې پكښې 2700 انجونه هم شاملې دې په بېلا بېلو لوبو كښې برخه اخلي چې ورسره به د ځوانانو ټېلنټ رامخې ته شي
