اسلام آباد 26 نومبر (اے پي پي) خارجه وزير مخدوم شاه محمود قرېشي سره د “دعوت اسلامي” اته كسيزه پلاوي د جمعې په ورځ په خارجه وزارت كښې ليدلي۔ د پلاوي په غړو كښې حاجي يوسف سليم، احتشام عطاري، سليم بلال، محمد عمران، آصف پولاني، اختر اسماعيل او يوسف سليم شامل وو۔ د دعوت اسلامي پلاوي خارجه وزير خبر كړو چې “دعوت اسلامي” يو غېر سياسي تنظيم دے كوم چې ګرده نړۍ كښې د تبليغ دعوت سره سره په فلاحي كارونو كښې هم برخه اخلي٬ دارالمدينه سکول سسټم د نړۍ په يو شمېر هېوادنو كښې د تعليم او تربيې وظيفه ترسره كوي۔ حاجي سليم عطاري خارجه وزير ته ووئيل سېلاب، قدرتي آفاتونه په خاص توګه د كرونا وباء په مهال دعوت اسلامي د ځپليو د زړه د اخلاصه مرسته كړې۔ ده خارجه وزير خبر كړو چې دعوت اسلامي د “تھيلسيميا فري پاکستان” په فلاحي منصوبه كار كوي او تر اوسه د دې تھيلسيميا رنځورانو ته د وينې 42 زره بېګز عطيه كړې شوې دي۔ خارجه وزير مخدوم شاه محمود قرېشي د دعوت اسلامي د فلاحي هلو ځلو ستائنه كولو سره ووئيل اسلام د ورورولۍ او مينې درس وركوي۔ ده ووئيل افغانستان دا مهال سخت معاشي بحران سره تېرېږي ٬ د پاكستان حكومت د الوتكو د لارې او د زمكيزو لارو انساني مرسته او داروګان افغانستان ته لېږلې دي۔ شاه محمود قرېشي ووئيل افغانستان د 38 مېليونه آبادۍ هېواد دے٬د تېرو دوه كالو راهسې هلته د قحط غوندې صورتحال دې٬ ضرورت د دې خبرې دې د بشري خواخوږۍ په بنياد د افغان وګړو دې په سمدستي توګه مرسته باوري كړې شي۔ خارجه وزير ووئيل مونږ د افغان وګړو معاونت لپاره نړيوالې ورورولۍ سره پرله پسې په تماس كښې يو٬ مونږ دا توقع لرو چې نړيواله ورورولي به د ماضي د غلطو څخه زده كړه كولو سره افغانستان تنها نه پرېږدي۔ پلاوي خارجه وزير ته د مرکز فيضان مدينه کراچۍ دورې كولو بلنه وركړه كومه چې وفاقي وزير په مننه سره قبول كړه
