اسلام آباد 17ستمبر (اے پي پي) د اطلاعات او خبرونو وزير مملكت فرخ حبيب وئېلي دي پاكستان يو پرامن او ذمه وار رياست دے٬سېكورټي كليئرنس وركړے شوے ؤ ځكه د نيوزي لينډ كركټ ډله پاكستان ته راغلې ۔وزيراعظم عمران خان غواړي چې پاكستان كښې د لوبو مېدانونه آباد وي٬پاكستان د افغانستان څخه د پرامن انخلا په حقله د يو ذمه وار رياست كردار ادا كړے كوم چې نړۍ تسليموي٬پاكستان د ټولې نړۍ سره ښې اړيكې لرل غواړي۔د دې خيالاتو څرګندونه ده د جمعې په ورځ ټي وي چينل پروګرام كښې وكړه۔ده ووئيل نن د نيوزي لينډ د اړخه د كركټ ډلې بېرته د غوښتلو په پريكړه نه يوازې د كركټ خوښوونكي بلكې پاكستان كښې ټول خلك خفه دي۔د نيوزي لينډ كركټ ډلې ته په پاكستان كښې هېڅ قسم كوم امنيتي خطرات نه وؤ ورپېښ٬مونږ د امنيت ټول فول پروف انتظامات كړي وو۔ده ووئيل هغوي د مېچ پرېكسټسز كول خو په آخري وخت د نيوزي لينډ ډله بېرته وغوښتلې شوه او د نيوزي لينډ كركټ بورډ د اړخه نه خو پي سي بي ته څه وئيلې شوي او نه د نيوزي لينډ حكومت د اړخه په سفارتي توګه پاكستان سره څه شيئر كړے شوي ۔ده ووئيل وزيراعظم عمران خان د نيوزي لينډ وزيراعظمې سره په ټېليفون خبرې كړي ځكه چې عمران خان غواړي چې پاكستان كښې د كركټ مېدان آباد وي۔ ده ووئيل كركټ يوه غېر سياسي معامله ده٬د دې سره د پاكستان تشخص هم تړلے دے ٬ نو په داسې حالاتو كښې په پاكستان كښې ټولو سياسي قوتونو له په ګډه يو ډول غږ پورته كول غواړي۔د يوې پوښتنې په ځواب ده ووئيل پاكستان په نړيواله توګه د تنهائۍ ښكار نه دے٬د افغانستان په معامله د برتانيې٬نيدرلينډ٬اټلي او سپين خارجه وزيران پاكستان ته راځي٬دوه ځل وزيراعظم عمران خان د روسيې صدر ولادي مير پيوټن سره سرابطه كړې او د ډنمارك وزيراعظم د پاكستان مننه كړې ده
