اسلام آباد 17ستمبر (اے پي پي)صدر ډاكټر عارف علوي په مالياتي تجزيه كارو زور راوړے چې هغوي په ايماندارۍ او ديانت سره د برانډ پاكستان قيادت وكړي٬دوي له د وسائلو يو برابر وېش لپاره د ټولنې د همدردۍ احساس ترمخه كار كول غواړي دغسې چې د مساوات نشت والے ختم كړے شي۔د موجوده حكومت احساس پروګرام د فلاحي رياست جوړولو پلو مهم ګام دے۔د دې خيالاتو څرګندونه ده د چارټر فنانشنل تجزيه كارو له د ايوارډ وركولو دستورې ته وكړه۔ده ووئيل پخوا ايسټ انډيا كمپنۍ په برصغير كښې لوټ مار كړے٬اېسټ انډيا كمپنۍ د نيمې وچې نه په لويې شمېر څيزونه خپل هېواد ته منتقل كړي۔صدر ووئيل د بده مرغه په ماضي كښې په پاكستان كښې كرپشن لويه مسئله وه او چې كله كرپټ كسانو ته لاس اچولے شي نو ټوله مافيا په حركت كښې راځي۔ده ووئيل د دولت غېر منصفانه وېش د نړۍ لپاره غټ چېلنج ګرځېدلے٬په نړيواله كچه سپر پاورز د خپلې خوښې قوانين جوړوي۔ده ووئيل په كاروبار او تجارت كښې اخلاقي اقدار ضرورې دي۔هند كښې د 2014 څخه تر 2018 د دولت غېر برابر وېش ډېر زيات شوے٬په آئي ټي كښې نوې كمپنۍ د سرمايه كارۍ د لارې لويه ګټه تر لاسه كوي٬په ايماندارۍ كاروبار له په ښه ډول ترقي وركړے كېدې شي۔ده ووئيل د ټولو وګړو لپاره د تعليم يو ډول موقعې وركول د رياست ذمه واري ده۔اوسني حكومت د احساس پروګرام د لارې 200 اربه روپۍ په غريبانونو وېشلي ۔ده ووئيل د كورونا وبا په مهال اوسني حكومت د لاك ډاؤن كولو په ځاے د خلكو خيال ساتنې ته پام لرنه كړې۔ده ووئيل كاروباري ادارو له سماجي٬معاشي او ماحولياتي ذمه وارۍ ترسره كول غواړي٬د ټولنې او سماج احساس كول غواړي٬د پسمانده طبقو خيال ساتل غواړي۔ده ووئيل كاروبار كښې د ايماندارۍ او ديانت سره برانډ پاكستان په نړۍ كښې كاميابي ترلاسه كولې شي٬كه مونږ په ديانتدارۍ برانډ پاكستان له وده وركړو نو د نړۍ يو طاقت پاكستان د رامخې ته كېدونكې قام جوړېدو څخه نشي ايسارولے۔په دې مهال آن لائن خطاب كښې د سي اېف اے انسټي ټيوټ چيف ايګزېكټو افيسر مار ګرېټ فرينكلن د صدر ډاكټر عارف علوي مننه وكړه او د سي اېف اے سوسائټي آف پاكستان هڅې وستائېلې
