نړيواله ورورولي دې افغانستان يواځي نه پري ږدي،افغانستان كښې د اوسني صورتحال له امله 3.5 ملیونه خلق پخپل هېواد كښې بې كوره شوي،د كډوالو لپاره د ملګرو ملتونو هائي كمشنر

اسلام آباد 17ستمبر (اے پي پي) د كډوالو لپاره د ملګرو ملتونو هائي کمشنر فلیپو ګرینډي په نړيواله ورورولۍ زور راوړے چې افغانستان يواځي پرې نه ږدي،د ملګرو ملتونو د طالبانو سره رابطې د انسانی نوعیت دي۔افغانستان كښې د اوسني صورتحال له امله 3.5 ملیونه كسان په هېواد كښې بې كوره شوي ، بې كوره شوي كسان د ناوړه حالاتو سره مخ دي او هغوي داروګانو ،خوراك او نور سامان ته اړتيا د لري ۔پاکستان څخه د افغان كډوالو په خپله خوښه د ستنيدو عمل نه دے بند شوے۔ د جمعې په ورځ خبري كنفرنس ته خپلې وينا كښې فلیپو ګرینډي ووئيل دا زما د پاكستان څلورمه دوره ده،اوسنۍ دوره د افغانستان په تناظر كښې ده۔تيره ورځ ما د افغانستان دوره كړې او هلته مو طالبانو وزيرانو سره او د بلخ ګورنر سره ملاقاتونه كړي،دې نه ځانله مزار شریف ته هم تللے ووم۔ده ووئيل د ملګرو ملتونو د طالبانو سره رابطي د انسانی نوعیت دي۔ده ووئيل افغانستان د يو مشکل دور څخه تيريږي۔ده ووئيل د اوسني صورتحال په وجه 3.5ملیونه كسان په هېواد كښې بې كوره شوي،د كومو لپاره چې داروګانو ٬ خوراك او نورو څيزونو ته اړتيا ده۔هائی کمشنر فلیپو ګرانډي نړيوالې ورورولۍ او ډونرز ته غږ وكړو چې د داسې خرابو حالاتو سره د مخ شوو افغانانو مرسته وكړي۔هائي کمشنر ووئيل د افغانستان اثاثې منجمد دي۔ تنخاګاني به څوك وركوي او طالبان به څنګه هېواد چلوي،طالبان به د ميرمنو ،زدكوونكو او هزاره ورورولۍ سره څه ډول رويه ساتي ؟ دا هغه پوښتني دي په كومو چې غور كولو ته اړتيا ده۔ده ووئيل بايد نړيواله ورورولي د افغانانو په ستونزو قابو موندلو او انساني حاجتونو ته پام لرنه وكړي۔هائي کمشنر هيله څرګنده كړه چې نوي افغان انتظامیه به ټولو ډلو سره په ګډه د افغانستان لپاره كار وكړي ځكه چې شخړي هېواد د عدم استحکام سره مخ كوي۔ده ووئيل افغانستان كښې دا مهال غیر یقیني صورتحال دے ،مونږ له به افغانستان او سيمه د تباهۍ څخه بچ كول وي۔هائی کمشنر د افغانانو د انساني همدردۍ په بنياد په مرسته او کابل څخه د غیر ملکيانو په انخلا د پاکستان مننه وكړه۔د يوې پوښتني په ځواب هائي کمشنر ووئيل پاکستان څخه د افغان كډوالو پخپله خوښه د ستنيدو عمل نه دے بند شوے بلكه مونږ هغوي محفوظول غواړو۔ كه كوم افغان كډوال په خپله خوښه سستنيدل غواړي نو مرسته به ئې كولې شي۔