دوشنبے 17ستمبر (اے پي پي)وزيراعظم عمران خان وئېلي ديافغانستان كښې امن او استحكام نه يوازې پاكستان او تاجكستان بلكې د ټولې منطقې په ګټه دے٬په افغانستان كښې يو داسې جامع حكومت جوړېدو ته ضرورت دے چې پكښې د ټولو ډلو نمائندګي وي٬د افغانستان د دوست په حېث مونږ د پنج شېر معامله د امن د لارې حل كېدو له خوښي لرو٬پاكستان به په دې لړ كښې په پښتنو ډلو او تاجكستان به په تاجكانو خپله مخ ملازه استعمالوي۔د دې خيالاتو څرګندونه ده د جمعې په ورځ د پاكستان او تاجكستان ترمينځه د بېلو څانګو په اړه د مفاهمت يادښتونو لاس ليك كولو نه وروستو د تاجكستان صدر امام علي رحمانوف سره خبري كنفرنس ته وكړه۔وزيراعظم ووئيل د اېس سي او په كاميابه تابيا د تاجكستان اولس مشر له مباركي وركوم۔ده په تاجكستان كښې د خپلې او د پلاوي په غوره كوربتوب كولو د تاجكستان اولس مشر مننه هم وكړه۔وزيراعظم ووئيل د دواړو هېوادونو ترمينځه تجارت٬سېلګرۍ٬اطلاعات٬د داروګانو جوړولو پشمول د بېلو څانګو په مرسته د خيالاتو څرګندونه شوې۔ده ووئيل د دواړو هېوادونو ترمينځه د افغانستان په صورتحال هم خبرې شوې٬په افغانستان كښې امن او استحكام نه يوازې پاكستان او تاجكستان بلكې ټولې منطقې له ضرورې دے۔ده ووئيل افغان اولس د 40 كلونو نه د ستونزو ښكار دے٬هغوي امن ته اړتيا لري٬وزيراعظم ووئيل پنج شېر كښې د طالبانو او تاجكانو ترمينځه د شخړې پرامن حل له په ثالثۍ هم خبرې شوي٬مونږ به هڅه كوو چې دغه معامله د خبرو اترو د لارې حل كړی شي۔په دې لړ كښې به پاكستان په پښتنو ډلو او تاجكستان به په تاجكانو خپله مخ ملازه كاروي۔وزيراعظم ووئيل دافغانستان په تاريخ كښې دا پريكنده وخت دے٬افغانستان كښې پښتانه 45 فيصده دي دغسې د تاجكانو او د هزاره پشمول نورې ډلې هم موجود دي٬په افغانستان كښې د ټولشموله حكومت د لارې تل پاتې امن ممكن دے٬په دې لړ كښې به مونږ خپلې هڅې كوو۔وزيراعظم ووئيل افغانستان كښې د امن سره د پاكستان امن هم تړلے دے۔درې ترهه ګرۍ ډلې اوس هم افغان خاوره د پاكستان په ضد كاروي۔افغانستان كښې امن د يو جامع حكومت جورېدو د لارې ممكن دے۔د دې نه وړاندې د دواړو هېوادونو ترمينځه د پلاؤيو په كچه خبرې شوي او د مفاهمت په يادښتونو لاس ليك وكړے شو۔په دې لړ كښې دستوره د دوشنبے په صدارتي محل كښې “قصر ملت”كښې وشوه۔وزيراعظم په خبرو اترو كښې د پاكستان او د تاجكستان صدر امام علي رحمانوف د خپل هېواد د پلاوي مشري وكړه۔د دې نه پس وزيراعظم عمران خان د پاكستان د اړخه او صدر امام علي رحمانوف د تاجكستان د اړخه د بېلو څانګو د مفاهمت يادښتونه لاس ليك كړل او يو بل له ئې دستاويزات وركړل۔د دواړو هېوادونو ترمينځه په خارجه چارو د صنعتي مرستې٬د زياتو ټېكسونو څخه بچ كېدو٬مني لانډرنګ٬د ترهه ګرو مالي مرستې مخ نيوي٬فنانشل انټلي جنس٬سېلګرۍ٬لوبو او د اطلاعات پشمول بېلو څانګو كښې د مرستې ودې له د مفاهمت يادښتونه لاس ليك كړے شول۔د تاجك خبري اژانس او د پاكستان قامي خبر رسنې ادارې اېسوسي اېټډ پرېس آف پاكستان(اے پي پي)ترمينځه هم د مفاهمت يادښتونه لاس ليك كړے شول۔په بېلو څانګو كښې د دې يادښتونو لاس ليك كېدو سره به د دواړو هېوادونو ترمينځه مرستهلا زياته شي
