اسلام آباد۔04 اګست(اے پی پی) خارجه وزير مخدوم شاه محمود قرېشي وئيلي ټول قام د شهيدانو په ځانګړو قربانيو وياړ لري ۔ د شورؤ په ورځ د پوليس شهيدانو ورځې په موقعه خپل پېغام كښې هغه ووئيل نن د پوليس شهيدانو ورځې په موقعه زه هغه ټولو شهيدانو ته د عقيدت پېرزوئنې وړاندې كوم كومو چې ګران هېواد څخه د ترهګرۍ ناسور ختمولو له د خپلو قيمتي ځانونو قرباني وركړې۔ ټول اولس د دغه شهيدانو په ځانګړو قربانيو وياړ لري ۔ شاه محمود قرېشي ووئيل زه تاسو ته باور دركوم چې مونږ به د دغه شهيدانو دغه ځانګړې قربانۍ بې ځايه تللو له نه وركوؤ۔هغه ووئيل د شهيدانو د مقدسې وينې له امله د امن او سولې مشالونه روښانه دي۔ مخدوم شاه محمود قرېشي په دې موقعه دا شعر هم ووئيلو “جب تک نہ جلیں دیپ شہیدوں کے لہو سے، کہتے ہیں کہ جنت میں چراغاں نہیں ہوتا”۔
