كوئټه 04 اګست (اے پي پي)صدر مملكت ډاكټر عارف علوي وئېلي دي د لوبو له امله صحت منده مقابلو رجحان راپېدا كېږي٬مېرمنو لوبغاړو پخپل محنت ثابته كړې چې پاكستاني مېرمنې صلاحيت لري او د ژوند په هره څانګه كښې د نړۍ د مقابلې كولو حوصله لري۔د شورو په ورځ د ايوان صدر پرېس ونګ لخوا جاري شوي بيان له مخې صدر ډاكټر عارف علوي سره د مېرمنو ټي 20 كركټ ټورنامنټ ګټونكې او رنراپ ډلې په كوئټه كښې ملاقات كړے۔د كوئټې په ګورنر هاؤس كښې شوي ملاقات كښې د بلوچستان ګورنر سيد ظهور آغا٬د بلوچستان اعلٰی وزير جام كمال خان٬د بلوچستان سپورټس سېكرټري عمران ګجكي هم موجود وو۔صدر ډاكټر عارف علوي ووئيل د لوبو هلو ځلو له امله د صحت منده مقابلو رجحان راپېدا كېږي٬ مېرمنو لوبغاړو پخپل محنت څخه ثابته كړې چې پاكستاني مېرمنې صلاحيت لري او د ژوند په هره څانګه كښې د نړۍ د مقابلې كولو حوصله لري۔مېرمنو لوبغاړو په ملاقات كښې په كركټ ليګ كولو د كوئټه ګليډئيټرز او حكومت مننه وكړه۔
