ميرپور 25 جولائي (اے پي پي) د آزاد جمو و کشمير چيف اليکشن کمشنر عبدالرشيد سلهريا وئيلي دي چې په آزاد جمو و کشمير كښې په مجموعي توګه انتخابات سوله ايز او په سپېځلي ډول جاري دي ۔ په ميرپور كښې ميډيا سره په خبرو كښې ده ووئيل هيله ده چې په انتخاباتو كښې د ووټونو ټرن آٶټ به د 56 فيصده نه زيات وي، ځينې ځايونو كښې د امن يو دوه پېښو اطلاعات موصول شوې دي او په مجموعي توګه انتخابي عمل په سوله ايز ډول جاري ٶ۔ چيف اليکشن کمشنر ووئيل پريذائيډنګ آفيسرز ته امر شوې دې د نتيجو اعلان د شېډول له مخې وكړي او پولنګ اېجنټس ته د نتيجو كاپي وركړي۔ د يوې پوښتنې په ځواب ده ووئيل د پولنګ عمل سهار اته بجے پېل شوے ٶ او كوم ووټران چې تر پنځو بجو د پولنګ سټېشنز په حدودو كښې موجود وي ھغوي ته به د ووټ كاسټ كولو اجازه وي۔ د دې نه وړاندې چيف الېكشن كمشنر عبدالرشيد سهلريا د کوټلي ، ميرپور او بھمبر د بېلا بېلو پولنګ سېټشنز دوره وكړه او د پولنګ عمل جاج ئې واخست۔
