اسلام آباد 02 جولائي (اے پي پي) د وزيراعظم د سياسي چارو صلاحكار ډاکټر شهباز ګِل وئيلي دي په ماضي كښې ذاتي ګټې لپاره په ګرانه بيعه برېښنا جوړه كړې شوې٬ حكومت د توان بحران خاتمې لپاره موثره اقدامات كوي٬ د تېر كال په مقابل كښې سږ كال په ګرځينده قرض كښې 360 اربه روپۍ كمے راغلے ۔ د دې خيالاتو څرګندونه ده د جمعې په ورځ د شاهد خاقان عباسي په بيان غبرګون كړې۔ ده ووئيل پوښتنې ھغه كسان كوي څوك چې د توان د بحران اصل زمه وار دي، ذاتي ګټې لپاره په ګرانه بيعه برېښنا جوړه كړې شوې٬ دا هم حقيت دے چې په ټرانسميشن لائنز پېسه نه خرڅ كړې شوې۔ ده ووئيل د برېښنا لوډشېډنګ د تكنيكي وجوهاتو په سبب كېږي، د يو آر اېل اېن جي ټرمينل د ډرائي ډاكنګ له امله ځېني پاور پلانټس كمه برېښنا پېدا كوي، په تربيلا بند كښې د اوبو كمے هم د لوډشېډنګ يو سبب دے٬ څو ورځو كښې به د آر اېل اېن جي بحالېدو نه پس د برېښنا پېداوار ښه شي۔ ده ووئيل حكومت د توان بحران خاتمې لپاره موثره اقدامات كوي٬ د الېكټرسټي د نوې پاليسۍ منظوري وركړې شوې چې بنيادي مقصد ئې په كم لګښت او په سپېځلو بنيادونو د برېښنا د ترسيل نظام كښې بهتري او پراختيا راوستل دي۔ ده ووئيل تربېلا ډېم به هم ډېر زر د استعداد له مخې برېښنا جوړول پېل كړي۔ ده ووئيل د تېر كال په مقابل كښې سږ كال په ګرځينده قرض كښې 360 اربه روپۍ كمے راغلے او سږ كال په دې قرض كښې 177 اربه روپۍ اضافه امكان لري ٬ دغسې تېر كال دا اضافه 538 اربه روپۍ وه۔
