اسلام آباد30جون(اے پي پي) د قامي اسمبلۍ سپيكر اسد قېصر وئيلي دي د مالي كال 22-2021 د وفاقي بجټ په منظورۍ كښې د رولز او قوانين بشپړ خيال ساتلے شوے ۔ د شورو په ورځ قامي اسمبلي كښې د بلاول بھټو زرداري د اعتراض په نكته سپيناوي كښې سپيكر ووئيل د جون په 29مه نيټه چې كله فنانس بل ايوان ته وړاندې كړے شو نو په وړومبۍ خواندګۍ كښې په زباني توګهد دغې په اٶ يا نا منظوري وركړې شوه كومه چې اپوزيشن چېلنج كړه ٬ دغسې د دواړو اړخود غړو شمېره وكړې شوه٬ د بل په حق كښې 172 او په مخالفت كښې ئې 138 ووټونه رامخې ته شول ٬ شق وار منظوري په زباني آٶ يا په نا شو۔ده ووئېل٬ آخري تحريك چې كله وړاندې كړے شو نو غونډې د ھغې هم منظوري وركړه او د ايوان كاروائي معطل كړې شوه ٬ په دې موقع بلاول بھټو زرداري دا چېلنج كړه خو د اسمبلۍ كاروائي معطل شوې وه۔ سپيكر ووئيل د فنانس بل په منظورۍ كښې د ټولو قواعد٬و ضوابطو او د اسمبلۍ د قوانين پاسداري شوې۔
