د تجارت او سرمايه كارۍ په صورت كښې تړون او سيمه ايز استحكام به اېشيا لپاره د كاميابۍ لاره هواره كړي۔ خارجه وزير شاه محمود قرېشي

اسلام آباد۔19جون (اے پی پی) خارجه وزير شاه محمود قرېشي وئيلي دي د تجارت او سرمايه كارۍ په صورت كښې تړون او سيمه ايز استحكام به اېشيا لپاره د كاميابۍ لاره هواره كړي۔ هغه د خالي په ورځ د “اېشیا او سيمه ايز تړون ” په سرخط انطالیه سفارتی فورم كښې مذاكرې ته خطاب كولو۔ د خارجه دفتر لمخې خارجه وزير خپل خطاب كښې اېشيا ته په پېښو مسئلو او چېلنجونو ٬ كووډ – 19 ٬ د وسلې زغل او په موسمياتي بدلونونو رڼا واچوله۔ خارجه وزير په آسيا كښې د مرستې موجوده امكاناتو پلو پام وګرځولو۔ هغه په دې خبره زور راوړو چې د تجارت او سرمايه كارۍ په صورت كښې تړون او سيمه ايز استحكام به اېشيا لپاره د كاميابۍ لاره هواره كړي۔ خارجه وزير خپل خطاب كښې سيمه ايزې مرستې ته وده وركولو له د 5 اقداماتو وړاندېز وركړو كومو كښې چې تل پاتې پرمختګ ٬ د بې وزلۍ ختمولو ته پام كول ٬ آسيا كښې پرمختګ كوؤنكو هېوادونو لپاره قرض نه د خلاصي په غرض نړيوالې ورورولۍ سره تماس نيول زياتول ٬ د څيزونو غېر قانوني قاچاق1 مخنيوې كول او په موسمياتي بدلون قابو موندل شامل دي۔ دې مذاكره كښې د پاكستان خارجه وزير مخدوم شاہ محمود قریشی ،د ملائشیا خارجه وزير حشام الدین حسین ،د کرغزستان خارجه وزير رسلان قزاق بوئف ،د تاجکستان خارجه وزير سراج الدین مهرالدین، او د ازبکستان خارجه وزير عبدالعزیز کامیلوف او د سیکا اېګزېکټو ډائرېکټر کیرات ساریبے برخه واخسته۔