اسلام آباد 07 اپريل (اے پي پي)خارجه وزير شاه محمود قرېشي وئېلي دي چې د پاكستان او روسيې د پلايو په كچه مذاكرات ډېر مثبت او ګټور وو٬په راتلونكې وخت كښې به زمونږ دوه اړخيزه اړيكې ډېرې ښه شي۔د شورو په ورځ د روسيې خارجه وزير سرګئې لاروف لخوا د پاكستان د دورې په اړه په خپل مهم بيان كښې خارجه وزير شاه محمود قرېشي ووئيل چې د روسيې د خارجه وزير لخوا دا دوره د غېر معمولي نوعيت وه٬مونل د دوه اړخيزه اړيكو د ټولو اړخونو او د اوسني فريم وركس جاج اخستې۔مونږ د نارته ساؤته ګاز پائپ لائن په پروژه آمادګي ښودلې او د دې په لار كښې ټول اعتراضات لرې كړې شوي دي۔په ماسكو كښې د پاكستان سفير ته اختيار وركړې شوې چې هغه به په دې لړ كښې د ماسكو د توان وزارت سره پھ لوظ نامه د لاس ليك كولو مجاز وي۔ده ووئيل چې روسيه پاكستان سره د رېلوے او توان په څانګو كښې په ګډه كار كولو ته آماده دے۔ده ووئيل چې روسيې ته د سټيل ملز بحالولو بلنه وركړې شوې د كوم بنياد چې دوي اېښې و۔وزيراعظم عمران خان د روسيې صدر پيوټن ته د پاكستان د دورې كولو بلنه وركړې د روسيې صدر د پاكستان په دوره كولو كښې خوښي لري۔د كورونا وبائي صورتحال د ښه كېدو نه پس هغه پاكستان ته راتلل غواړي