اسلام آباد 18 فروري (اے پي پي) وزيراعظم عمران خان سپارښتنه كړې چې د غير قانوني ښكار او اونو وهلو مخنيوي له كوټلي ګامونه پورته كړئ، دغسې د ځنګلونو بحالۍ له جامع پاليسي مرتب كړئ او جديد ټيكنالوجي استعمال كړئ۔ ده د زيارت په ورځ پنجاب كښې د ځنګلونو تحفظ او بحالۍ په اړه د غونډي مشري كوله۔په غونډه كښې د ماحولياتي بدلون خاص مرستيال ملك امېن اسلم، د پنجاب د ځنګلات وزير سبطين خان او نورو هم ګډون وكړو۔ په غونډه كښې وزيراعظم عمران خان ته چھانګا مانګا او نورو د ځنګلو بحالۍ له په پورته كړو اقدامات بريفنګ وركړے شو۔ په تيرو څو كلونو كښې د چھانګا مانګا دوه نيم زره ايكټره زمكه د اونو څخه محرومه او للمه كړې شوې۔ وزيراعظم ته په بريفنګ كښې ووئيل شول اوسني حكومت كښې 10بليونه ټري سونامي كمپائن كښې په يو زر ايكړه د اونو نالولو عمل بشپړ شوے، په دوه نيم زره ايكړه به تر 2023 دا عمل بشپړ شي۔ وزيراعظم ووئيل د ماحولياتي خيرنتيا اثرات كمولو په اړه ځنګلونه او اوني مهم كردار لري او د ځنګلونو تحفظ او بحالي ته اوسنې حكومت پام لرنه كوي۔ وزيراعظم سپارښتنه وكړه چې د ځنګلو تحفظ او بحالۍ له ټيكنالوجي استعمال كړئ او ټوله صوبه كښې د ځنګلونو بحالۍ له كوټلي پاليسي مرتب كړئ۔ده ووئيل غير قانوني ښكار او د اونو وهلو مخنيوي له هم كوټلي ګامونه پورته كړئ
