اسلام آباد۔24اکتوبر (اے پی پی) د كشمير او ګلګت بلتستان چارو وفاقي وزير علي امين خان ګنډا پور وئيلي دي د حكومت د هڅو له امله په نړيواله كچه د كشمير ملاتړ مخ په زياتېدو دے۔ نړیواله ټولنه باید د هند هندو افراطي ايجنډې او په نیول شوي کشمیر كښې په كشميري اولسي روانو ظلمونو او زياتي ته سمدستي پام وکړي.پاکستان به د کشمیریانو اخلاقي ، سیاسي او سفارتي ملاتړ روان ساتي۔ د خالي په ورځ د كشمير د 73 مې تاسيس ورځې په مهال خپل پېغام كښې وفاقي وزير ووئيل د خپلواكۍ حق ترلاسه كولو له د كشميري اولس په مړانه هڅو كولو او ددوئي جراﺀت ته سلام كوم او هيله ده چې کشمیريان به تر هغه وخته خپلې مبارزې ته دوام ورکوي ترڅو د خپلواکۍ حق ترلاسه نه كړي۔ د خپلواكۍ حق ترلاسه كولو له كشميري اولس د لكھونو په شمېر د ځانونو قربانۍ وركړې دي۔ كشميري زلمي لكه د خپل پلار نيكه د خپلواكۍ حق ترلاسه كولو عزم لري۔ علي امين ګنډا پور ووئيل وزيراعظم عمران خان د كشميريانو د وكيل او سفير په توګه د دوئي د حق غږ ګرده نړۍ كښې پورته كوي۔ عمومي اسمبلۍ ته د وزيراعظم خطاب د كشمير مسئلې په اړه د هغه د وژن او پالېسۍ عكاسي كوي۔ وفاقي وزير ووئيل په نړيواله كچه د كشمير ملاتړ مخ په زياتېدو دے۔ هغه ووئيل نړیواله ټولنه باید د هند هندو افراطي ايجنډې او په نیول شوي کشمیر كښې په كشميري اولسي روانو ظلمونو او زياتي ته سمدستي پام وکړي. هغه زياته كړه چې پاکستان به د کشمیریانو اخلاقي ، سیاسي او سفارتي ملاتړ روان ساتي۔ هغه غوښتنه وكړه چې د هند په ضد دې نړيوال بندېزونه او د كشمير مسئلې په اړه د سلامتي كونسل قراردادونه عملي كړې شي
