اسلام آباد ۔ 23 ستمبر (اے پی پی) د سائنس او ټېكنالوجي وفاقي وزير چوهدري فواد حسېن وئيلي دي د شريفې كورنۍ او ن ليګ سياست په فرېب اډانه دے۔ ن لیګ د مریم نواز او شهباز شریف په دوو ډلو كښې تقسيم شوے۔ دواړه ليګي لارښود د ګوند دننه د بېلو بېلو ډلو مشري كوي۔ د شورؤ په ورځ نجي ټي وي چېنل سره خبرو كښی ده ووئيل د شريفې كورنۍ او ن ليګ سياست په فرېب اډانه دے۔ مريم نواز دے خپله نوې ډله اعلان كړي۔ ده ووئيل ن لیګ دوه مخېز سياست كوي۔ غونډه كښې د دوي د لارښودو بيانيه مختلف وي او بهر راتلو نه پس اولس ته دروغ وائي۔ ده ووئيل اولس د دوي د سياست نه مايوسه دے ولې چې هغوي ته معلومه ده چې د مخالفې ډلې سياست خپلې ګټې ته تحفظ وركولو لپاره دے۔ وفاقي وزير ووئيل وزيراعظم عمران خان د هېواد د سياست او د اولسي هيلو مركز دے۔ ولې چې اولس ته معلومه ده چې هېواد كښې عمران خان هغه لارښود دے كوم چې د دوي د مسئلو حل كولو صلاحيت لري۔ د يوې پوښتنې په ځواب كښې ده ووئيل د اپوزيشن د حكومت په ضد تحريك د پېل نه وړاندې فلاپ شوے
