لاهور۔18 جولائی (اے پی پی ) د اطلاعاتو او خپرونو وفاقي وزير شبلي فراز سره د پي ټي آئي سنټرل پنجاب صدر اعجاز احمد چوهدري ملاقات وكړو۔ ملاقات كښې د هېواد سياسي وضعې په شمول په نورو مهمو چارو د خيالاتو څرګندونه وشوه۔ په دې مهال خپلو خبرو كښې شبلي فراز ووئيل د شهباز شريف چالونه په ډاګه شوي دي۔ ثابته شوه چې د منظور پاپړ واله اكاؤنټ شهباز شريف خپلې دونمبرۍ له كارولې۔ وفاقي وزير ووئيل د پي ټي آئي حكومت د ن ليګ او پي پي پي تېر كرپشن د لاسه ستونزو سره مخ هېواد ريسكيو كوي ولې اپوزيشن ته په دې هم خفګان كېږي۔ د اپوزيشن په قسمت كښې ژړا انګولا ليكلې شوې ده۔ دا ټول د خپل سياست ډوبېدونكې كشتۍ بچ كولو له هڅې كوي۔ ده ووئيل ن ليګ او پي پي پي په ګډه هم د وزيراعظم عمران خان مقابله كولې نه شي۔ ده ووئيل د پي ټي آئي حكومت د اولس د ووټ په طاقت جوړ شوے دے۔ د پي ټي آئي حكومت به د وزيراعظم په مشرتابه كښې هېواد د موجوده ستونزو څخه بهر كړي۔ ده ووئيل د وزیراعظم عمران خان ویژن به هر حال كښې ترسره كوو۔ د اولس خېر ښېګړه او پرمختګ د پي ټي آئي منشور دے۔ وفاقي وزير ووئيل د وزيراعظم عمران ښكاره دريځ دے چې د احتساب روان عمل كښې به كوم خنډ ودرولې نه شي بلكې د احتساب په قانون كښې چې كوم كمې دې هغه به هم لرې كولې شي۔ په دې مهال خپلو خبرو كښې اعجاز ا حمد چودھري ووئيل شهباز شریف دې قوم ته ځواب وركړي او د خپلې وعدې له مخې دې سياست پرېدي۔ د ټی ټی شریف د يو ټكې نه بلكې د اربونو روپو كرپشن نيولے شوے دے۔ د (ن) لیګ تنخواہ دار وياند دروغ وئيلو سره قام بې لارې كولې نه شي۔ ده ووئيل د حكومت له مينځھ وړلو ايجنډا د ديوانه خوب دے۔ حكومت به خپله آئيني موده ترسره كوي۔ وروستو اعجاز احمد چوهدري سره د ضلعی صدر سرور شاہ په مشرۍ كښې پلاوي ملاقات وكړو
