ګرده نړۍ كښې د كورونا وائرس ځپليو شمېره 60 لكه نه زياته شوه

نیویارک ۔ 31مئی (اے پی پی) په نړيواله كچه د نوې كورونا وائرس دلاسه د ځپليو شمېره 60 لكه نه زياته شوې ده۔ د امريكا د جانز هاپكنز پوهنتون لخوا د جاري شوي راپور له مخې تر اتوار ورځې د كورونا مصدقه كېسونه 60 لکه 63 زره 588 ته رسېدلې دي او د دې دلاسه تر دې دمه نزدې 3 لکه 70 زره كسان مړه شوي دي۔ امريكا كښې ددې وائرس دلاسه 17 لکه 70 زره نه زيات كسان ځپلې شوي او نزدې 1 لك 4 زره مړه شوي دي۔ پاكستان كښې نزدې 70 زره كسانو كښې ددې وائرس تصديق شوے دے او تر دې دمه نزدې 15 سوه كسان مړه شوي دي