اسلام آباد ۔ 5 اپرېل (اے پی پی) د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان وئيلي دي تعميراتي څانګې له مراعاتي پېكج او دې ته د صنعت درجه وركولو سره به نور صنعتونه هم وده ومومي۔ د وزيراعظم دا ګام د هيلې او پرمختګ پېغام دے۔ مزدور طبقه او سرمايه داره ورورولي ټول به دې څخه استفاده وكړي۔ د اتوار په ورځ خپل ټويټ كښې خاص مرستيالې ډاكټر فردوس عاشق اعوان ووئيل د فکسډ ټېکس مطالبه منلو سره د سيمنټ او سټيل انډسټري نه سوا په ټولو تعميراتي څانګو ودهولډنګ ټېكس ختم كړې شوې۔ د تعميراتي څانګې حركت سره به نورو صنعتونو ته نوې ژوند ترلاسه شي چې ورسره به هنرمند او غېر هنرمند خواري كښ مستفيد شي۔ دا پېكج به د وطن تعمير ٬ د اولس سوكالۍ او د روزګار موقعو رامخې ته كولو كښې سنګ ميل ثابت شي۔ دې ووئيل په نيا پاكستان هاؤسنګ پروګرام كښې سرمايه كاري كوؤنكو څخه به يوازې 10 فيصد ټېكس اخستلې شي او 90 فيصد ټېكس رعايت به وركولې شي۔ دې ووئيل د تعميراتو څانګې پرمختګ سره د خواري كښو او مزدورانو پرمختګ تړلې دے۔
