اسلام آباد 12 جنوري (اے پي پي) په مظفر آباد، وادي نيلم او د خېبر پښتونخوا په بېلا بېلو سيمو كښې د زلزلې جړقونه محسوس شوي. د خبر له مخې په مظفر آباد، وادي نيلم او د خېبر پښتونخوا په بره دير، سوات او خوا و شا كښې د زلزلې جړقونه محسوس شوي دي. په رېكټر سكېل د زلزلې شدت 4.7 ريكارډ كړے شوے او مركز ئې د چلاس څخه 85 كلوميټره لرې په زمكه كښې 15 كلوميټره لاندے و. د زلزلې نه پس د كوم ځاني يا مالي زيان اطلاع نه ده راغلې.
