اسلام آباد 25 نومبر (اے پي پي) خارجه وزير شاه محمود قريشي وئيلي دي چې د پي ټي آئي حكومت په مېرمنو د تشدد مخ نيوي لپاره سخت اقدامات كړي دي٬ په ټولنه كښې د دې بدې چارې خاتمې لپاره به خبرتيا زياتول وي۔ په ايوان صدر كښې د مېرمنو په ضد د تشدد خاتمې نړيوالې ورځې په موقع دستورې ته په خپله وېنا كښې خارجه وزير شاه محمود قريشي ووئيل چې په مېرمنو د تشدد په اړه د تحريك انصاف پاليسي واضحه ده۔ وزيراعظم په دې اړه د قانوني اړخونو جاج اخستلو او موثره قانون سازې لپاره د قانون وزير په مشرې كښې خاص كمېټي تشكيل كړې۔ ده ووئيل چې د چائلډ پورنوګرافي د زيات شويو جرائمو مخ نيوي لپاره به سخت اقدامات كول وي۔
