وزیراعظم محمدنوازشریف د سعودی عربستان درې ورځنۍ دورې بشپړولو څخه وروستو مدينې منورې څخه اسلام آباد ته راروان شو

مدینه منورہ 23 مئی (اے پی پی) وزیراعظم محمد نوازشریف د سعودی عربستان درې ورځنۍ دورې بشپړولو څخه وروستو مدينې منورې څخه اسلام آباد ته راروان شوے دے ۔ په پرنس محمد بن عبدالعزیز نړيوال هوائي مېدان د مدينې ګورنر شهزاده فېصل بن سلمان او د پاكستاني سفارت اعلی چارواكو وزيراعظم ته په مخه دې ښه اووې۔ د مدينې ګورنر سره خپلو خبرو كښې وزيراعظم ووئيل د پاكستان او سعودي عربستان ترمينځھ اړيكې ازمائيلې شوي كومې چې وخت تېرېدو سره سره لا مضبوطې شوي۔ ده ووئيل مونږ سعودي سره خپلو اړيكو ته د قدر په سترګه ګورو او د دې لا مضبوطولو له خوښي لرو۔ د وزیر اعظم دفتر لخوا جاري شوي بيان ترمخه په دې مهال د مدينې ګورنر ووئيل مونږ پاكستان سره د اړيكو قدر كوؤ۔ پاكستان مذهبي پس منظر لرونكے ورور هېواد دے۔ ده ووئيل د ترهه ګرۍ په ضد جنګ كښې د پاكستان كردار د ستائنې وړ دے۔ دا خبره دې ياده وي چې د خپلې درې ورځنۍ دورې په مهال وزيراعظم وړومبني عرب اسلامي امريكا مشرانو كنفرنس كښې ګډون وكړو۔ دې مدينه منوره كښې د نبي كريم (ص) روضې ته لاړ شو ۔ وزيراعظم په رياض الجنة كښې نفلونه وكړل او د هېواد پرمختګ او سوكالۍ له ئې دعاګانې وغوښتلې