اسلام آباد 18جون (اے پي پي) د كورنيو چارو وزير شېخ رشيد احمد وئيلي دي ښه خبره ده چې پارلمان روان شو، درې ورځي چې څه شوي هغي ته اولس په ښه نظر نه ګوري، وزير اعظم عمران خان به 5 كاله پوره كوي، ضلعي انتظاميه او پوليس دې اسلام آباد مثالي ښار جوړ كړي، طاقتور دې ونيولې شي،د هېواد اصل مسئله دا ده چې قانون يوازې غريب لپاره دے۔ د جمعي په ورځ د ايګل سكواډ فلېګ مارچ دستورې په موقع ميډيا سره خپلو خبرو كښې ده وووئيل اسلام آباد پوليس او ضلعي انتظاميه دې پايه تخت يو مثالي ښار جوړ كړي، اسلام آباد به د نشه اي توكو څخه پاكولې شي او د آئس ، هيروئن لوئ لوئ ډيلرز او رېكټس به نيولې شي، قانون دې يواځي د غريبانو په ضد په حركت كښې نه راځي ،د هېواد اصل مسئله دغه ده چې غريب لپاره قانون دې او طاقتور چې كله ونيولې شي نو په ضد ئې كاروائي نه كيږي۔ د كورنيو چارو وزير ووئيل اسلام آباد ته د نورو ښارونو څخه زيات وګړي راځي۔اسلام آباد كښې د امنيت ښه كولو له ګامونه پورته كېږي۔ هغه ووئيل پوليس دې وګړو له عزت وركړي او د يو عام وګړي كار دې هم په آسانۍ سره وشي ۔ ده ووئيل اسلام آباد ته ګڼ شمير سيلګري راځي او دلته څخه تيريدو سره د سېلګرۍ سيمو ته ځي۔ ده ووئيل اسلام آباد كښې ناكې ختم كړې شوي۔ وګړو لپاره آسانۍ پيدا كوو۔ اي پاسپورټ به جاري كولې شي او 2 زره اضافي فيس سره به په يوه ورځ كښې هم پاسپورټ ترلاسه كيږي۔ وېزه سسټم آن لائن كړې شوې۔ د چين وګړو له د 90 ورځو په ځائې د 2 كالو وېزه وركوو۔ ده ووئيل اسلام آباد پوليس كښې اېس ايچ اوز له نيغ په نيغه فنډ وركوو۔بهر څخه هم افسران راولو۔ پوليس سره د فنډز كمې دې هغوي له به نور وسائل وركوو، د هغوي تنخاګاني او الائونسز به هم زياتولې شي۔د خزاني وزير سره به په دې لړ كښې خبره كولې شي۔د يوي پوښتني په ځواب ده ووئيل ميرمنو لپاره يو جلا بازار جوړوو۔ داسې ښه بارزار به جوړولې شي چرته به چې ميرمني په دكان كښې وي او د اعليٰ معيار څيزونه به ترلاسه كوي۔ د كورنيو چارو وزير ووئيل پوليس كښې چې كومي خرابۍ او كمزورۍ وي ميډيا دې هغه په ګوته كړي، دا ښه خبره ده۔ په نن دور كښې كېمره يو لويې طاقت جوړ شوے۔ مونږ د ميډيا عزت كوو۔ د يوي پوښتني په ځواب كښې ده ووئيل درې ورځي پارليمان كښې چې څه شوي هغه ښه نه دي شوي ، دې سره جمهوريت ته عزت نه دې ترلاسه شوي، لوستي وګړي دغې ته په ښه نظر نه دي كتلي ، ده ووئيل د لوے څښتن مننه كوو چې پارلمان روان شوے۔د كورنيو چارو وزير په 150 موټر سائيكل د ناست كسانو ايګل سكواډ معائنه وكړه او پوليس ته ئې تاكيد وكړو چې بشپړه مستعدۍ سره او په پيشه وره ډول خپل فرائض ترسره كړي
