اسلام آباد 16 مئي (اے پي پي) وزيراعظم عمران خان د نړيوال بانك لخوا د احساس اېمرجنسي كېش پروګرام شمېر په نړيواله كچه د سماجي تحفظ په وړومبو 4 لويو پرګرامونو كښې په كېدو خاص مرستيالې سېنېټر ډاكټر ثانيه نشتر او د احساس ډلې ته مباركي وركړې او وئيلي ئې دي چې دوي ته دې دا كاميابي ډېره مباركه وي، دوي د دې اعزاز او د نړيوالې ډاډګېرنې حقدار وو. ده دا خبرې د اتوار په ورځ په خپل يو ټويټ كښې وكړې. وزيراعظم عمران خان د نړيوال بانك لخوا د احساس اېمرجنسي كېشن پروګرام په اړه رپورټ هم شريك كړو. نړيوال بانك په نړيواله كچه د كووډ 19 مقابلې لپاره د سماجي تحفظ پروګرامونو په بنياد يو رپورټ جاري كړے. دې رپورټ ته لېونګ پېپر وئيلې شي او دا د 18 شراكتدارو او مرستيالانو په مرسته تيار كړے شوے. دا د 650 پاڼو رپورټ دے. د خلقو د ګډون د شمېر په لحاظ پاكستان په نړيواله كچه په څلورم نمبر دے او د 100 مليونه څخه د زياتې آبادې د ګډون په لحاظ په نړيواله كچه د پاكستان دريم نمبر دے. د نړيوال بانك له مخې په دې لړ كښې يوازې منتخب هېوادونو متاثر كن د 6 هندسو هدف ترلاسه كړے او د پاكستان د احساس اېمرجنسي كېش پروګرام په دې كښې يو دے. د رپورټ له مخې پاكستان د نويو غريب مستحق كسانو اندراج لپاره يوه جديد بايئرډ طريقه خپله كړې. د احساس اېمرجنسي كېش پروګرام له م خې تېر كال 15 مليونه كورنيو سره د يوې كورنۍ په سره د 12000 روپو مرسته شوې او د دې مطلب دے چې د 100 مليون نه زياتو كسانو يا د هېواد نيمې آبادې سره مالي مرسته شوې. د احساس اېمرجنسي كېش پروګرام څخه دا هم معلومېږي چې د كووډ 19 پشان د وبائي رنځ په وجه د معاشي زيان مقابله كولو لپاره كوم ډول د نغدې مالي مرستې پروګرامونه استعمالول كېدے شي. دا نقطه نظر د كووډ 19 نه پس په نړۍ كښې په عدم مساوات قابو موندلو او د پائيدار پرمختيائي اهدافو په ترلاسه كېدو كښې هم مرسته كولې شي.
