اسلام آباد۔15جنوری(اے پی پی) د زده كړو او پېشه ورې تربيې وفاقي وزير شفقت محمود وئيلي دي هېواد كښې د كورونا وائرس وباﺀ صورتحال جاج اغستلو نه وروستو دا پرېكړه شوې نهم نه تر دولسم كلاس سكولونه به په 18مه جنورۍ٬ د اول نه تر اتم او پوهنتونونه به د فرورۍ په وړومبۍ نېټه پرانستلې شي۔ څوك به د امتحان نه غېر نشي پاس كېدے۔ د صورتحال جاج اغستو له به بيا غونډه كېږي۔ په كومو ښارونو كښې چې د وباﺀ صورتحال ښه نه وي دغلته به تعليمي ادارې نه پرانستلې كېږي۔ د جمعې په ورځ هغه نېشنل کمانډ اېنډ آپرېشن سنټر كښې د كورونا صورتحال او تعليمي ادارو پرانستلو په اړه د مهمې غونډې مشرۍ كولو نه وروستو خبري كنفرنس ته وېنا كوله۔ غونډه كښې د زده كړو ټولو صوبائي وزيرانو ٬ د روغتيا وزير ٬ چيف سېكرټريز او نورو اړوندو اعلی چارواكو ګډون وكړو۔ هغه ووئيل د نهم تر دولسم د بورډ امتحانونه كېدونكي دي ځكه دې لپاره كلاسونه به د جنورۍ 18 مې نېټې نه پېل كېږي۔ پرائمري كلاسونه به اوس د جنورۍ 25 مې نېټې په ځاے د فرورۍ اولنۍ نېټې او دغسې پوهنتونه به هم په دغه نېټه پرانستلې شي۔ هغه ووئيل راروانه اوونۍ د كورونا وائرس وباﺀ صورتحال جاج اغستلو له به غونډه بيا كولې شي۔ هغه ووئيل تعليم او سياست سره تړون لرونكو ټولو وګړو ته د دې خبرې احساس دے چې 8 مياشتې تعليمي ادارې بندې پاتې كېدو سره تعليمې څومره زيان شوے ولې د صحت خيال ساتل هم ډېر ضروري دي او مونږ له به دا بېلنس كول وي۔ هغه ووئيل د روغتيا پوهانو وېنا ده د تعليمي ادارو بندېدو سره د كورنيو كېسونو شرح كمه شوې ۔ كله چې تعليمي ادارې پرانستې وې نو د مثبت كېسونو شر 7.14 وه كومه چې اوس كمه شوې
