كه سكروټني كمېټي فارن فنډنګ كیس كښې خپل رپورټ جمع كړي نو كمېشن كښې به د دې اورېدنه ښكاره كولې شي۔ الېكشن كمېشن

اسلام آباد۔23جنوری(اے پی پی)الېکشن کمېشن په ډاګه كړې ده چې كه سکروټنی کمېټی فارن فنډنګ کېس كښې يو وارے خپل رپورټ جمع كړي نو كمېشن كښې به د دې اورېدنه ښكاره كوي۔ د خالي په ورځ د كمېشن لخوا جاري كړې شوي بيان كښې وئيلي شوي دي چې د فارن فنډنګ کېس سکروټنی کمېټۍ كښې اورېدنه ښكاره نه وي ولې دغلته د دواړو فريقو نمائندګي كېږي۔ کمېشن وئيلي دي چې دې نه وړاندې هم چیف الېکشن کمشنر د فارن فنډنګ کېس اوپن یا کلوز سماعت حوالې سره خپل دريځ وركړے دے ولې بياهم يو وارې بيا دا ابهام رامخې ته كېږي دې لپاره كمېشن ددې خبرې سپيناوې كوي چې د سكروټني كمېټۍ لخوا د رپورټ په ترلاسه كېدو به د دې اورېدنه كمېشن ښكاره كوي۔