اسلام آباد۔18جنوری (اے پی پی) سېنېټ په يوه خله د آسيه اندرابي او ياسين ملك پشمول د ټولو سياسي بنديوانو راخوشې كولو معامله د ملګرو ملتونو بشري حقونو كونسل كښې د پورته كولو قرارداد منظور كړے دے ۔ د ګل په ورځ سېنېټ كښې د مخالفې ډلې مشر راجه ظفر الحق قرار داد وړاندې كړو۔ قرارداد كښې په حكومت زور راوړلے شو چې هغه دې د ياسين ملك او آسيه اندرابي په شمول د ټولو سياسي بنديوانو په سمدستي توګه راخوشې كولو له د غېر ملكي حكومتونو ٬ پارليمانونو او د بشري حقونو تنظيمونو پشمول په ټولو نړيوالو فورمونو د دې معاملې پورته كولو كمپائن پېل كړي۔ دغسې غونډې په اتفاق د قرارداد منظوري وركړه۔
