د ټول رياست جموں وكشمير پاكستان سره الحاق زمونږ مقصد دے۔د آزاد كشمير د اطلاعات وزير مشتاق منهاس

مظفرآباد۔25جنوری(اے پی پی) د پاكستان مسلم ليګ ن چيف آرګنائزر او د آزاد كشمير د اطلاعات وزير راجه مشتاق احمد منهاس وئيلي دي د محمد نواز شریف نظریه ،بیانیه او تصور زمونږ اثاثه ده او هم د دغې سره به راروانو ټاكنو كښې برخه اخلو۔ په بلدياتي او د ګوند ټاكنو نه كولو سره مونږ غلطي كړې۔ كمے زياتې له انسان نه كېږي ولې په مجموعي توګه زمونږ كاركردګۍ ښه ده۔ د نجي ټي وي پروګرام كښې هغه ووئيل د ټاكنو حتمي نېټه خو به چېف الېكشن كمشنر وركوي ولې زمونږ اندازه ده چې دا به د جون په منځومانه كښې كېږي۔ زمونږ كوم لارښود به ګوند نه پرېږدي او د آزاد كشمير اولس به راروانو 5 كالو لپاره هم مونږ له ووټونه راكوي۔ د يوې پوښتنې په ځواب كښې هغه ووئيل په آزاد كشمير كښې تر دې دمه پي ټي آئي هېڅ لاس وهنه نه ده كړې۔ هغه ووئيل زمونږ منزل پاكستان دے او د ټول كشمير پاكستان سره الحاق زمونږ نصب العېن دے كوم به چې هر حال كښې ترسره كولې شي