اسلام آباد۔18جنوری(اے پی پی)وزیرِاعظم عمران خان وئيلي دي د ضم شوو ضلعو او د بلوچستان پوله والو سيمو كښې د ژوند كوؤنكو سوكالۍ له د بارډر ماركيټس جوړول ډېر زيات ضروري دي۔ د دې ماركيټونو جوړولو سره به نه يوازې ځائي ودانۍ ته د روزګار موقعې وركړې شي بلكې د قاچاق مخنيوي له به مرسته هم ترلاسه شي۔ د دې خيالاتو څرګندونه هغه په پاك افغان پوله او پاك ايران پوله والو سيمو كښې د بارډر ماركيټس جوړولو په اړه د پیشرفت جاج اغستو غونډې مشرۍ كولو په مهال خپلو خبرو كښې وكړه۔ غونډه كښې د وزيراعظم صلاحكار عبد الرزاق داؤد ٬ خصوصي مرستيالانو ډاكټر معيد يوسف ٬ ډاكټر وقار مسعود ٬ ډاكټر شهباز ګل او مشرانو چارواكو ګډون كولو۔ د سمندري چارو وفاقي وزير سيد علي زېدي او نورو اړوندو چارواكو د وېډيو لنك د لارې غونډه كښې ګډون كولو۔ غونډې ته په پاك افغان او پاك ايران پولو ځائي وګړو ته د كاروبارۍ آسانيو وركولو ٬ د تجارت ودې او ځوانانو ته د روزګار موقعو وركولو لپاره د مجوزہ بارډر مارکیټونو جوړولو په حقله په وفاقي او صوبائي كچه تر دې دمه د شوي كار په اړه بريفنګ وركړے شو۔ غونډې ته ووئيل شول 18 مجوزه بارډر ماركيټس به جوړولې شي۔ وزیرِاعظم د بارډر ماركيټس جوړولو په اړه د كار رفتار تندولو او زر تر زره په دې اړه د ستراتيجۍ جوړولو امر وكړو۔ هغه ووئيل ضم شوو ضلعو او د بلوچستان پوله والو سيمو كښې د ژوند كوؤنكو سوكالۍ له د بارډر ماركيټس جوړول ډېر زيات ضروري دي
