د كركټ او سياست په مېدان كښې مې په اول كښې زياته كاميابي نه وه ترلاسه كړې خو حوصله مې نه بائيلله او هڅې مې روانې ساتلې. وزيراعظم عمران خان

كولمبو 24 فروري (اے پي پي) وزيراعظم عمران خان وئيلي دي د كركټ او سياست په مېدان كښې مې په اول كښې زياته كاميابي نه وه ترلاسه كړې خو حوصله مې نه بائيلله او هڅې مې روانې ساتلې وې، څوك چې د چېلنجونو د مقابلې صلاحيت نه لري، هغه چېمپئن نه شي جوړېدے، لوبه مونږ ته هم دا سبق راكوي چې همت به نه بائېلې او حپل كوشش به كوې . ده دا خبرې د شورو په ورځ د سري لنكا د لوبو او ځوانانو چارو وزير نامل راجا پكسے لخوا د وزيراعظم عمران خان په درنښت كښې راجوړې دستورې ته په خپله وېنا كښې وكړې. په دستوره كښې د سري لنكا د پارلمان سپيكر او د سري لنكا سپورټس كميونټي سره تعلق لرونكو كسانو ګډون وكړو. وزيراعظم عمران خان ووئيل د لوبو چارې مونږ ته هغې څه رازده كوي كوم چې په سكولونو كښې د نصابي تعليم د لارې نه شي زده كېدے. دا مونږ ته د چېلنجونو د مقابلې او د كوشش سبق راكوي. ده ووئيل دا ضروري نه ده چې ټول لوبغاړي دې چېمپئن جوړ شي بلكې اصل لوبغاړې هغه وي كوم چې د ناكامې او ماتې څخه زده كړه كولو سره مخ په وړاندې لاړ شي او حوصله ونه بائيلي۔ده ووئېل څوك چې ماتې سره نه شي مخ كېدے ، هغه چېمپئن نه شي جوړېدے، حوصله بائيلونكې كله هم خپلو خوبونو ته تعبير نه شي وركولې. په ژوند كښې چې كله هم مونږ ماتې سره مخ كېږو نو مونږ لپاره په دې كښې سبق وي. ده ووئيل په ژوند كښې ښه او بد وخت راځي. كاميابي دا نه ده چې ښه وخت څنګه تېرولې شي بلكې كاميابې دا ده چې په بد وخت كښې مقابله څنګه كول دي . ده ووئيل د كركټ په پېل كښې زه ډېر ښه لوبغاړې نه ووم خو هڅې مې كولې