د تېرو 24 ساعتونو په مهال په هېواد كښې د كورونا وائرس 2379 كېسونه رپورټ شوي، په وبا كښې نور 76 كسان په حق رسېدلي دي. نېشنل كمانډ اېنډ آپرېشن سنټر

اسلام آباد 16 مئي (اے پي پي) د نېشنكل كمانډ اېنډ آپرېشن سنټر﴿اېن سي او سي﴾ لخوا جاري شويو شمېرو له مخې په ټول هېواد كښې د تېرو 24 ساعتونو په مهال د كورونا وائرس په نتيجه كښې نور 76 كسان په حق رسېدلې دي چې پكښې 29 كسان په وېنټي لېټرو موجود وو. د اېن سي او سي له مخې د تېرو 24 ساعتونو په مهال په هېواد كښې د كورونا وائرس 2379 كېسونه رپورټ شوي دي. د تېرو 24 ساعتونو په مهال په هېواد كښې د كورونا 30 زره 402 ټېسټونه شوي دي.په هېواد كښې د كورونا څخه د ښه شويو كسانو شمېره 7 لكه 88 زره 768 ته رسېدلې. په بلوچستان ، آزاد كشمير او ګلګت بلتستان كښې كوم رنځور په وېنټي لېټر نشته. په ټول هېوا كښې په وېنټي لېټرو 576 رنځوران پراته دي. په هېواد كښې د كورونا د فعاله كېسونو شمېره 68 زره 819 ته رسېدلې او د ځپليو ټوله شمېره 8 لكه 77 زره 130 ده. په ټول هېواد كښې د كورونا په وبا كښې 19 زره 543 كسان په حق رسېدلي دي. تر اوسه په هېواد كښې د كورونا يو كروړ 24 لكه 44 زره 42 ټېسټونه شوي دي. په ټول هېوا كښې د كووډ 19 علاج لپاره په بېل كړې شويو 639 روغتونونو كښې 4 زره 803 رنځوران تر معالجه لاندې دي.