لاهور۔6 مئی(اے پی پی)وزیراعظم عمران خان وئيلي دي حكومتي اقداماتو سره به پاكستان كښې زرعي بدلون رامخے ته شي۔ د سېلګرۍ په څانګه كښې مونږ د خپلو درآمداتو نه زياته زرمبادله ترلاسه كولې شؤ۔ د تعميراتو څانګې سره 30 صنعتونه تړلې دي۔ دې څانګې ته پام ګرځولو سره بېروزګاري كښې كمېدې او د هېواد دولت سوا كېدې شي۔ كم مصرفه هاؤسنګ منصوبې سره به د كچي آبادۍ خپرېدل كم شي۔ كچی آبادی د ترک ماډل له مخې كولو منصوبه راوړؤ۔ قام ته د ماسك اچولو تاكيد كوم۔ دې سره د كورونا مخنيوي كېدې شي۔ هغه د زيارت په ورځ رائېونډ كښې د پنجاب پېری اربن كم مصرفه هاؤسنګ سكيم منصوبې پېل كېدو په موقعه خطاب كولو۔ په دې مهال د پنجاب اعلی وزير سردار عثمان بزدار هم خطاب وكړو۔ وزیراعظم عمران خان ووئيل زمونږ ذهنيت دا جوړ شوے و چې هېواد كښې يوه اشرافيه طبقه د هېواد په هر يو څيز قابضه ده۔ په زندانونو كښې به يوازې بې وزله خلق په نظر راتلل۔ زمونږ د انصاف نظام طاقت ور او ډاكو نه شي نيولې۔ پخوا زمونږ سركاري روغتونونه ښه وو ولې د مالدارو خلقو درملنو له نجي روغتونونه جوړ شول ٬ كوم چې زيات امير وو هغوي به درملنو له بهر تلل۔ يو داسې نظام جوړ شو چې دې هېواد كښې دا سوچ چا نه كولو چې بې وزله دلته څنګه ژوند كوي۔ دغسې هاؤسنګ څانګه هم نظر انداز كړے شوه۔ مالدارو خلقو له د بحریه او ډیفنس سيمې جوړې كړې شوې او د عام وګړي لپاره د خپل كور سوچ چا هم ونكړو۔ بيا كچي آبادۍ پېل شوې او نن نيمه كراچۍ په كچي آبادي مشتمل ده۔ چرته چې د برېښنا او ګاز غېر قانوني كنكشن رشوت وركولو سره ترلاسه كېږي۔ د سېورج نظام نشته۔ دې سره سره قبضه ګروپ متحرك شو۔ عدالتونو كښې داسې كېسونه 50 ٬ 50 كاله ځنډولې شوې پاتې شول۔ جج ٬ پولیس او نورې محكمې خپلو كښې يو ځائې شوې۔ وزيراعظم ووئيل د مدينې په رياست كښې تر ټولو وړاندې د قانون سرلوړي په ځائې كړې شوه۔ هغه ووئيل د مدينې رياست د بې وزله وګړو ذمه واري واخسته۔ كوم قام چې دا نمونه مخې ته كېښودلو سره وړاندې ځي هغه به ترقي كوي۔ وزیراعظم ووئيل زمونږ جنګ دا دے چې طاقتور هم د قانون دائرې ته راولؤ۔ د بې وزله وګړو ذمه واري د حكومت ده۔ وزيراعظم ووئيل مونږ كم مصرفه هاؤسنګ منصوبې له د بېنكونو نه د قرضو اخستلو لارې نه ولاړ خنډان لرې كړل۔ فورتھ کلوژر لاﺀ مو منظور كړه۔ اوس بېنك عام وګړي ته قرضه وركولو له خپله عمله تربيه كوي۔ هغه ووئيل ګاونډي هېواد بھارت كښې بېنك 10 او امريكا او اروپا كښې د 80 فیصده مورټ ګېج آساني وركوي۔ پاكستان كښې دا آساني 0.2 فیصده وه۔ وزيراعظم ووئيل بېنک آف پنجاب د خپلې عملې تربيې له بشپړه زور لګولے دے۔ وزیراعظم ووئيل د پنجاب حكومت د ستائنې وړ دے چې د لكھونو روپو زمكه په لس زره روپۍ مياشت كم آمدن لرونكو وګړو له كور جوړولو له وركوي۔ بلخوا بېنكونه دوئي ته قرض هم وركوي۔ د حكومت لخوا په هر يو كور 3 لاكه روپۍ د سبسډي په توګه وركولې شي۔ هغه ووئيل د هاؤسنګ څانګې سره 30 فيصده نه زيات صنعتونه تړلي دي۔ هغه ووئيل حكومت تعميراتي څانګې ته آسانۍ وركوي۔ وزیراعظم اېف ډبلیو او او نیا پاکستان هاؤسنګ اتھارټی ته تندۍ سره ددې كار په پېل كولو مباركي وركړه۔ هغه ووئيل پاكستان كښې به د كركيلې څانګه كښې بدلون رامخے ته شي۔ پخوا دې څانګه ته چا پام ګرځولے نه دے۔ مونږ كرونده ګرو ته د ګنو په وخت ادائيګي وكړه۔ نن هېواد كښی د غنمو ٬ وريژو او جوارو ريكارډ پېداوار دے۔ وزیراعظم ووئيل د روان كال په مهال د مرستې قيمت سره كردونده ګرو ته 11 اربه روپۍ زياتې ترلاسه شوي دي۔ كركيله به پاكستان پورته كړي۔ وزیراعظم ووئيل 11 كاله وروسته د آئي برآمداتو كښې ريكارډ اضافه شوې ده۔ هغه ووئيل د حكومت لخوا د شوې منصوبه بندۍ مېوه به راروانو ورځو كښې رامخې ته شي۔ كسان كارډ به كرونده ګرو لپاره د مرستې سبب وګرځي۔ ۔وزیراعظم په قام زور راوړو چې هغوي دې ماسك اچوي۔ په هندوستان كښې چې كوم حالات دي دغلته په روغتونونو كښې آكسيجن نشته ٬ خلق په سړكونو مري۔ پروردګار د كورونا په اولنو دوو چپو كښې په مونږ ډېر رحم وكړو۔ اوس درېمې چپې سره مخ يؤ۔ هغه ووئيل كه مونږ خپل استعداد سوا نه كړو نو زمونږ حالت به هغه وي كوم چې د هند دے۔ هغه ووئيل راروانې دوه اونۍ ډېرې مهمې دي مونږ له به د كورونا وائرس وبا خپرېدل كمول وي۔ هغه ووئيل دا ثابته شوې ده چې د ماسك پابندۍ سره د اچولو د لارې په كورونا قابو موندلې كېدې شي ځكه قام ته د ماسك اچولو تاكيد كوم۔ وزيراعلی عثمان بزدار ووئيل د دې منصوبې دائركار مو تر نورو سيمو پراخا كړې دې۔ د كور رقبه مو د 3 مرلې نه زياتولو سره 3 نيمې مرلې كړې ده۔ هغه ووئيل په اولني پړاؤ كښې به 1 لاك كورونه جوړولې شي
