اسلام آباد۔26 فروری(اے پی پی) خارجه وزير مخدوم شاه محمود قرېشي سره ملائيشيا كښې د پاكستان هائي كمشنر آمنه بلوچ د جمعې په ورځ خارجه وزارت كښې ملاقات كړے ۔ د پاکستان هائي کمشنرې آمنه بلوچ خارجه وزير د ملائيشيا او پاكستان ترمينځه دوه اړخيزه اړيكو او په يو شمېر څانګو كښی د مرستې ودې له د روانو هڅو نه خبر كړو۔ خارجه وزير ووئيل پاكستان او ملائشيا ژورې تاريخي اړيكې لري۔ دا اړيكې په شريكو مذهبي او كلتوري اقدارو اډانه دي۔ شاہ محمود قرېشی ووئيل ګڼ شمېر پاكستانيان د ملائشيا تعمير او پرمختګ كښې خپل كردار ترسره كوي۔ خارجه وزير د پاكستان كميونټي خېر ښېګړې له د پاكستان هائي كمېشن لخوا پورته كړي ګامونه وستائل۔ هغه هائي كمشنر ته ملائيشيا كښې د پاكستان وركرز خېر ښېګړې له د خاص خيال ساتلو او هغوي ته د پېښو ستونزو زر تر زره لرې كولو هدايت وكړو۔ خارجه وزير د كورونا وائرس نړيوالې وباﺀ په مهال د پاكستاني كميونټي خصوصي خيال په ساتلو او د محدودو وسائلو باوجود د هغوي په بشپړه مرسته كولو د آمنه بلوچ مننه وكړه۔ خارجه وزير د دواړو هېوادونو ترمينځه بېلو څانګو كښې دوه اړخيزه اقتصادي مرستې لا زياتولو لپاره د لا هڅو كولو په حاجت زور راوړو۔ دغسې آمنه بلوچ په ستائنه او ډاډګيرنه د خارجه وزير مننه وكړه۔
