اسلام آباد 22 اپرېل (اے پي پي) خارجه وزير شاه محمود قريشي به د ترك خارجه وزير په بلنه ﴿نن﴾ د جمعې په ورځ د اپرېل په 23مه نېټه په دوه ورځنې سركاري دوره تركيې ته ځي. د خارجه دفتر وياند له مخې د دورې په مهال به خارجه وزير د تركيې خارجه وزير سره د دوه اړخيزه خبرو نه علاوه د پاكستان، تركيې او د افغانستان د خارجه وزيرانو په درې اړخيزه غونډه كښې ګډون هم كوي. د خارجه وزير شاه محمود قريشي لخوا د تركيې دوره د دواړو هېوادونو ترمېنځه په لوړه كچه د تبادلو برخه ده. د كال 2021م د جنورې په مياشت كښې د تركيې خارجه وزير د پاكستان دوره كړې وه. دواړو خارجه وزيرانو د كال 2021م د مارچ مياشتې په 29مه نېټه د تاجكستان په دوشبنه ښار كښې د آسيا زړه وزراتي كانفرنس په مهال هم ملاقات كړے ؤ
