لاهور ، جنوري 23 (اے پی پی) د كورنيو چارو وفاقي وزير شېخ رشيد احمد وئیلي دي حکومت د کشمیر مسئله په هر پلېټ فارم راپورته کړې.مولانا فضل الرحمن د کشمیر او اسراییل په نوم د ملت وخت ضایع کوي. د اسرائيل د تسليمولو كومه ايجنډا نشته۔ براډ شيټ سره به نور جائيدادونه رامخې ته شي۔ د براډ شيټ په معامله اپوزيشن ته جسټس (ر) عظمت قبول نه دے نو آيا دوئي ته جسټس (ر) چوهدري قبول دے۔ د يوې مياشتې په مهال به ډېر څه رامخې ته شي۔ په اربونو روپۍ نېب كښې جمع كوؤنكي او بيا د سپريم كورټ د لارې د دغې بېرته اخستونكي په ډاګه شوي دي۔ دا ښه خبره ده چې د اپوزيشن د استعفی خبره ځنډولو سره په ضمني او د سېنېټ ټاكنو كښې د برخې اخستو اعلان كړے دے۔ په پنجاب كښې زمونږ چوكۍ د كمېدو په ځائې به زياتې شي۔ پي ډي اېم ته مو الېكشن كمېشن نه بهر فري هېنډ وركړے۔ اوس هم دوئي ته د سولييز لاريون اجازه ده۔ ددې خيالاتو څرګندنه هغه لاهور كښې ميډيا سره خبرو كښې وكړه۔ هغه ووئيل مولانا فضل الرحمن ته وئيل غواړم چې حكومت نه خو د اسرائيل د تسليمولو كومه ايجنډا لري او نه ختم بنوت قانون كښې كوم بدلون راولي۔ په دې هېواد كښې د چا جراﺀت دے چې هغه ددې څيزونو په ضد لاړ شي۔ د كشمير آزادۍ لپاره وزيراعظم ښكاره دريځ وړاندې كړے دے كوم چې تېر وخت كښې مثال نه لري۔ وفاقي وزير ووئيل دې خلقو د قائد اعظم په ضد هغه څه وئيلي دي چې زه ئې بيانولې نه شم۔ د ختم نبوت کېس په ضد نون ليګ او مولانا فضل الرحمن دواړو ووټ وركړې۔ هغه ووئيل مولانا فضل الرحمن د كشمير مذهب او اسرائيل په نامه قوم ته دھوكه وركړې۔ هغه ووئيل د سېنېټ ټاكنو كښې به د پي ټي آئي چوكۍ لا زياتې شي۔ هغه ووئيل د مدرسو زده كوؤنكو د الېكشن كمېشن نه بهر د ذمه وارۍ ثبوت وركړے۔ بلاول بھټو زرداري د جلسې جلوسونو نه كولو اعلان كولو سره د پالغ پن ثبوت وركړې۔ عدم اعتماد تحريك د اپوزيشن حق دے هغه چې كله غواړي كارولې شي۔ هغه ووئيل د وزيراعظم عمران خان نه څوك هم نه شاته كېږي۔ د سېنېټ ټاكنو كښې به د تحريك انصاف چوكۍ زياتې شي۔ هغه ووئيل دا خو د وزيراعظم لويه خبره ده چې خفيه ووټنګ دے ختم شي۔ هغه ووئيل په اېف آئي اے كښې بلها كار كول پاتے دي۔ لږ وخت به نور هم اخلي ولې د ادارو معاملې به پياوړې شي۔ هغه ووئيل د نادرا معاملې تر ډېره حده ښې كړې شوي دي۔ شېخ رشيد ووئيل د شهباز شريف كېس ډېر جدي دے
