حكومت به د تاجرانو او سرمايه كارو اسانۍ لپاره هر ممكن اقدامات كوي. د وزيراعظم عمران خان په كولمبو كښې د كاروباري ټولنې استازو سره خبرې

كولمبو 24 فروري (اے پي پي) وزيراعظم عمران خان د پاكستان او سري لنكا ترمېنځه د تجارت او سرمايه كارې ودې لپاره د پاكستان د كاروباري ټولنې تجويزونه ستائلو سره وئيلي دي حكومت به د تاجرانو او سرمايه كارو اسانۍ لپاره هر ممكن اقدامات كوي. د شورو په ورځ د وزيراعظم د مېډيا دفتر لخوا په جاري شوي بيان كښې وئيلي شوي وزيراعظم سره په كولمبو كښې د پاكستان-سري لنكا د تجارت او سرمايه كارې په كانفرنس كښې د ګډون كونكې كاروباري ټولنې استازو ملاقات وكړو او د وزيراعظم د سري لنكا دورې او د سري لنكا حكومت او كاروباري څانګې سره د تعميري خبرو ئې ستائنه وكړه. د پاكستان كاروباري ټولنې ووئيل د سري لنكا او پاكستان كاروباري طبقې د تجارت او سرمايه كارې په څانګه كښې د موقعو څخه استفاده كولو لپاره په ګډه كار كولو ته چمتو دي. په دې موقع كاروباري ټولنې د پاكستان او سري لنكا ترمېنځه د تجارت او سرمايه كارې ودې لپاره بېلا بېل تجويزونه هم وړاندې كړل. وزيراعظم د دې تجويزونو ستائنه وكړه او باور ئې وركړو چې حكومت به د تاجرانو او سرمايه كارو اسانۍ لپاره هر ممكن اقدامات كوي.