اسلام آباد 16 مئي (اے پي پي) خارجه وزير مخدوم شاه محمود قريشي د ملګرو ملتونو او د او آئي سي د قراردادونو له مخې د فلسطين مسئلې د دوه رياستي حل د ملاتړ پخلې كولو سره واضحه كړې ده چې د فلسطين مسئلې تر حل كېدو به د انساني وقار كومه هم خبره نه يوازې نامكمل وي بلكې سيمه ايز امن او نړيواله سلامتيا به خطرو سره مخ وي، نړيواله ټولنه دې د فلسطينيانو په ضد د طاقت د غېر قانوني استعمال او د بشري حقونو څخه د سرغړونو فوري مخ نيوي، د فلسطينيانو تحفظ باوري لپاره دې فوري مداخله وكړي او په غزه كښې د آبادې په ضد د اسرائيلي ظلمونو مخ نيوي لپاره دې كوټلي اقدامات وكړي. د اتوار په ورځ د فلسطين په ضد د اسرائيلي جارحيت په اړه د او آئي سي د اېګزېكټو كمېټې بېړنې غونډې ته په ورچوئل وېنا كښې خارجه وزير ووئيل چې د فلسطينيانو د نصب العېن ملاتړ د پاكستان د خارجه پالېسې يو واضح او ځانګړې اصول دے. بابائے قوم قائداعظم محمد علي جناح د فلسطيني اولس د جائز او منصفانه حقونو ملاتړ كولو. خارجه وزير ووئيل چې پاكستان د خپلې دفاع څخه د محروم فلسطينيانو په ضد د اسرائيل د قابض ځواكونو د طاقت په غیر قانوني، وخشيانه استعمال، جبر، مطلق العناني او ناانصافې حېران دے. خارجه وزير ووئيل چې د مقبوضه فلسطين خرابېدونكې صورتحال قاقابل برداشت دے. د اسرائيلي پوځ لخوا د بې وسه فلسطينيانو په ضد د طاقت بې رحمانه استعمال د نړيوالو بشري حقونو پشمول د نړيوالو قوانينو او اصولو سخته او څرګنده خلاف ورزي ده. ده ووئيل چې وزيراعظم عمران خان د سعودي باچا، د تركيې صدر او د فلسطين صدر سره په دې لړ كښې خبرې كړې دي. د اسرائيل اوسنې جارحيت هېڅ جواز نه لري. په دې موقع مونږ فلسطيني اولس او حكومت سره د يووالي څرګندونه كوو. ده ووئيل چې پاكستان د غزه په پوله د اسرائيل د فضائي بريدونو سخته غندنه كوي د كومو په نتيجه كښې چې خلق شهيدان كېږي او په لويه شمېره ژوبل دي. پاكستان د مسجد اقصٰی د تقدس په په سپكاوي او په عبادت كوونكو د بريدونو هم سخته غندنه كوي. ده ووئيل چې د پاكستان لخوا د ملګرو ملتونو او د او آئي سي د قراردادونو له مخې د دوه رياستي حل د ملاتړ پخلې كوم. ده ووئيل چې د فلسطين مسئلې تر حل كېدو به د انساني وقار كومه هم خبره نه يوازې نامكمل وي بلكې سيمه ايز امن او نړيواله سلامتيا به خطرو سره مخ وي، نړيواله ټولنه دې د فلسطينيانو په ضد د طاقت د غېر قانوني استعمال او د بشري حقونو څخه د سرغړونو فوري مخ نيوي، د فلسطينيانو تحفظ باوري لپاره دې فوري مداخله وكړي او په غزه كښې د آبادې په ضد د اسرائيلي ظلمونو مخ نيوي لپاره دې كوټلي اقدامات وكړي. ده ووئيل چې په دې نازك پړاٶ بايد د فلسطيني اولس ملګرتيا پرې نه ښودلې شي.
