د پاكستان او سعودي د اړيكو خرابولو كومه هم ناوړه هڅه نشي كاميابه كېدې۔د كورنيو چارو وزير شېخ رشيد احمد په پاكستان كښې د سعودي سفير سره په ملاقات كښې خبرې

APP42-070421 ISLAMABAD: April 07 - Ambassador of Saudi Arabia to Pakistan, His Excellency Nawaf Bin Saeed Al-Maliki called on Interior Minister Sheikh Rashid Ahmed. APP

اسلام آباد 07 اپريل (اے پي پي) د كورنيو چارو وزير شېخ رشيد احمد وئېلي دي چې د پاكستان او سعودي د اړيكو خرابولو كومه هم ناوړه هڅه نشي كاميابه كېدې ٬ پاكستان او سعودي د ورورولۍ او محبت په بنياد اړيكې لري۔ده دا خبرې د شورو په ورځ په پاكستان كښې د سعودي سفير نواف سعيد المالكي سره د ملاقات په مهال په خپلو خبرو كښې وكړې۔د كورنيو چارو د وزارت لخوا جاري شوي بيان له مخې د ملاقات په مهال د پاكستان او سعودي د اړيكو پشمول د شريكې خوښې په چارو او په كراچۍ كښې په كال 2011م كښې د سعودي د سفارت كار د وژنې په اړه د تورونو په اړه خبرې وشوې۔د كورنيو چارو وزير ووئيل چې په پاكستان كښې د سعودي د سفارتكارو وژنه د ترهه ګرۍ بدتره كاروائي وه۔په څرګنده د دې پېښې مقصد د پاكستان او سعودي اړيكې خرابول و۔د ترهه ګرۍ په پېښه كښې ككړ تورن به د قانون نه بچ نه شي۔د كورنيو چارو وزير د سعودي باچا لپاره د نيكو هيلو څرګندونه هم وكړه۔په ملاقات كښې د كورنيو چارو سېكرتري يوسف نسيم كهوكهر هم موجود و۔(