د وزيراعظم عمران خان په مشرۍ كښې حكومت د اولس ‘ سياسي ګوندونو او د پوهانو په انتخابي عمل باور زياتولو لپاره انتخابي اصلاحاتي پيكيج جوړ كړے، وفاقي وزير چوهدري فواد حسېن

APP01-030521 ISLAMABAD: May 03 - Federal Minister for Information and Broadcasting Fawad Chaudhry along with Advisor on Parliamentary Affairs to Prime Minister, Dr Babar Awan addressing press conference at Pak China Center. APP photo by Saeed-ul-Mulk

اسلام آباد 03 مئي (اے پي پي) د اطلاعات او خپرونو وفاقي وزير چوهدري فواد حسېن وئيلي دي د وزيراعظم عمران خان په مشرۍ كښې حكومت د اولس ‘سياسي ګوندونو او د پوهانو طبقې په انتخابي عمل باور زياتولو لپاره انتخابي اصلاحاتي پيكيج جوړ كړے ‘ سمندر پوري پاكستانيانو له د ووټ حق وركول غواړو ‘ پيپلز پارټي او مسلم ليګ(ن) دې په په دې حقله خپل موقف واضحه كړي ‘ انتخابي اصلاحات پيكيج لپاره حكومت سېنېټ او قامي اسمبلۍ كښې اكثريت لري خو غواړو چې اپوزيشن هم په دې عمل كښې شامل شي ‘ اپوزيشن ټول ژوند د پرچو په سياست كښې تير كړے ‘د هېواد ګټې لپاره دې د پرچو د سياست څخه رابهر شي او انتخابي اصلاحات كښې دې برخه واخلي۔ده د ګل په ورځ پاك چائنه فرينډ شپ سينټر كښې د وزيراعظم د پارلماني چارو صلاحكار ډاكټر بابر اعوان سره خبري كنفرنس ته وينا كوله۔وفاقي وزير چوهدري فواد حسېن ووئيل 22 كروړه اولس او 5م لوي رياست كښې دا مسئله بيا بيا رامخي ته كيږي ‘كله چې هم ټاكني كيږي نو نتيجو ته ګوته نيولې كيږي ‘دا مسئلې تر هغه وخت نه حل كيږي تر څو چې مونږ كښې د مخ په وړندې تللو صلاحيت نه وي پيدا شوے۔ده ووئيل عمران خان هغه شخصيت دے چا چې به كركټ كښې هم د غير جانبداره ايمپائر خبره كړې ‘ پاك هند كركټ ميچونو كښې چې كله جانبدار ايمپائر به ؤ نو پريكړي به هم سمي نه وې خو كله به چې غير جانبدار ايمپائرز ؤ نو پريكړې به زياتي نه چيلنج كيدې او د شخړو حل له به ټيكنالوجي كارولې كيدله ‘ وزيراعظم عمران خان نن هم د هغه اصولو ترمخه د پارلماني چارو وزارت او پي ټي آئي له دا ټاسك وركړے چې انتخابي عمل د ټيكنالوجي په مرسته جديد كړې۔ده ووئيل عمران خان چې كله د وزيراعظم چوكۍ سنبھال كړه نو د وړومبۍ وېنا نه پس د خپلې چوكۍ نهد اپوزيشن ليډر شهباز شريف خوا له ورغلو او ووئيل ئې چې د ټګۍ تورونو لپاره پارلماني كمېټۍ جوړولو له چمتو يو ‘ حالانكه د څلورو حلقو پرانستلو لپاره څلور كلونو لګيدلې وؤ ۔ په دې مهال د هر ډول پرلتونو او اجتجاج څخه هم تير شوې وؤ۔ ده ووئيل د پارليماني كمېټۍ د 30 نه تر 32 غونډي شوي او د اپوزېشن د اړخه 2018 ټاكنو كښې د آر ټي ايس سسټم خرابيدو ‘ د فارم 45 بې دركه كيدو پشمول د ګڼو تورونو شواهد نه وؤ وړاندي كړې شوي ٬ په دغه ټاكنو كښې په پنجاب كښې 25 انتخابي عذرداري دائر شوي چې پكښې 13پي ټي آئي او 11 د (ن) ليګ كانديدانو وې ۔ ده ووئېل اپوزېشن يواځي په ميډيا د ټګۍ چغې وهي۔وفاقي وزير چوهدري فواد حسېن ووئيل د كراچۍ حلقه 249 اوسنو ضمني ټاكنو كښې مسلم ليګ (ن) وائي چې پيپلز پارټۍ ټګي كړې ‘ د سېنېټ ټاكنو كښې د ګيلاني كاميابۍ لپاره څه شوي ټول قام ته معلومه ده۔ده ووئيل 2006 كښې په ميثاق جمهوريت كښې هم د سېنېټ ټاكني د اوپن بيلټ د لاري كولو شق شامل دے، په دغه لوظنامه د نواز شريف او بے نظير لاس ليكونه كړي ‘2015 كښې مسلم ليګ (ن) په دې اړه قانون راوړلے ؤ ‘دواړه ګوندونو چې په لسو كلونو كښې څه نه دي كړي هغه مشن مخ په وړندي بوتللو له چې عمران خان انتخابي اصلاحات لپاره سنجيده هڅي كوي نو په دې كښې مسلم ليګ (ن) او پيپلز پارټي تر ټولو لوئ خنډان جوړ شوي۔ ده ووئيل كه اوس هم انتخابي اصلاحات ونه شول او ټاكنو نه پس د ټګۍ ژړاګاني بيا كيدلې نو هېواد كښې د سياسي او جمهوري پرمختګ عمل به اودريږي۔ وفاقي وزير چوهدري فواد حسېن ووئيل اپوزېشن وائي چې وزيراعظم پخپله د انتخابي اصلاحات خبره نه كوي ‘ وزيراعظم عمران خان د قامي اسمبلۍ سپيكر ته د انتخابي اصلاحات لپاره خط ليكلے او انتخابي اصلاحات لپاره ئې ټويټ هم كړے، دې نه پس د قامي اسمبلۍ سپيكر ټولو سياسي ګوندونو ته په دې اړه خط ليكلے د كوم په ځواب كښې چې پاكستان پيپلز پارټۍ نويد قمر فوكل پرس مقرر كړے خو مسلم ليګ (ن) تر اوسه ځواب نه دې وركړے۔ده ووئيل په دې خبره نه پوهيږو چې شهباز شريف ‘ شاهد خاقان عباسي او احسن اقبال ولې اي ووټنګ مشين د ليدلو نه غير هغه مسترد كړے چې دا د پي ټي آئي په حكومت كښې جوړ شوے ‘ دغه شخصيات له بلنه وركوم چې راشي يو ځل دا اي ووټنګ مشين اوګوري او خپله تكنيكي ډله جوړه كړي كومه چې د دې مشين په غور سره جاج واخلي۔ده ووئيل د پاكستان انجينئرز ‘ پوهانو او استاذانو صلاحيت لرونكي ډلي دا مشين جوړ كړے ‘ په دې عمل كښې په شاملو ټولو وګړو وياړ لرو۔ د يوي پوښتني په ځواب ده ووئيل انتخابي اصلاحات پيكيج كښې د ټول هېواد پشمول آزاد جمو او كشمير ‘ګلګت بلتستان كښې حلقه بندي د آبادۍ په ځاے د رجسټرډ ووټونو به تناسب سره كيږي۔ده ووئيل اي ووټنګ مشين انټرنيټ سره تړلے كيدے نشي ځكه د هغي د هيك كيدو سوال هم نه راپيدا كيږي