حكومت ماحول دوست پرمختګ ته وده وركوي. ملك امين اسلم

اسلام آباد 04 مئي (اے پي پي) د وزيراعظم د ماحولياتي بدلون صلاحكار ملك امين اسلم وئيلي دي د كورونا وبا له امله مونږ بې شمېره ستونزو سره مخ شوي يو خو دې بحران مونږ ته دا موقع راكړې چې مونږ د ماحولياتي بدلون د خطرو مقابله كولو لپاره تياري وكړو، د وبا په مهال حكومت د داسې پرمختيائي سكيمونو مرسته كړې كوم چې ماحول دوست وي او قدرتي ماحول ته د زيان رسولو نه بغېر د ملازمتونو موقعې راپېدا كړي. ده دا خبرې د نهې په ورځ د اېس ډي پي آئي تر سيوري لاندې د وېبنار په مهال په خپله وېنا كښې وكړې. ملك امين اسلم ووئيل حكومت د بېلا بېلو طريقو كارولو سره ماحول دوست پرمختګ ته وده وركوي. ده ووئيل د نړيوال بېنك لخوا وركړي شوي 120 مليونه ډالره په ماحولياتي بحالې خرڅ كولې شي او هيله ده چې دې سره به د يو لك ملازمتونو موقعې راپېدا شي. ده ووئيل حكومت ګرين يورو بونډ ته خاص پام كوي او پنځه سوه مليونه روپې به د اوبو څخه د برېښنا پېدا كولو په پروژو خرڅ كولې شي. په وېبنار كښې د اېس ډي پي آئي اېګزېكټو ډائرېكټر عابد قيوم سلهري او نورو پوهانو هم وېنا وكړه