حكومت د الېكشن اېكټ 2017م په 49 شقونو كښې د بدلون كولو پرېكړه كړې. د وزيراعظم د پارلماني چارو صلاحكار ډاكټر بابر اعوان وفاقي وزير چوهدري فواد حسېن سره خبري كانفرنس ته وېنا

APP02-030521 ISLAMABAD: May 03 - Federal Minister for Information and Broadcasting Fawad Chaudhry along with Advisor on Parliamentary Affairs to Prime Minister, Dr Babar Awan addressing press conference at Pak China Center. APP photo by Saeed-ul-Mulk

اسلام آباد 03 مئي (اے پي پي) د وزيراعظم د پارلماني چارو صلاحكار ډاكټر بابر اعوان وئيلي دي حكومت د الېكشن اېكټ 2017م په 49 شقونو كښې د بدلون كولو پرېكړه كړې چې له مخې به ئې په ټاكنو كښې د الېكټرانك ووټنګ مشين استعمال، بهر مېشته پاكستانيانو ته په ټاكنو كښې د برخې اخستو اجازه، د انتخابي كانديدانو لخوا د ريټرنګ افسرانو ټاكنه چېلنج كول ، د نادرا د انتخابي لسټونو تياري او حلقه بندې د آبادۍ په ځاے د رجسټرډ ووټونو په بنياد كولې شي. د ګل په ورځ په پاك چائنا فرېنډ شپ سېنټر كښې د وزيراعظم د پارلماني چارو صلاحكار ډاكټر بابر اعوان د اطلاعات او خپرونو وفاقي وزير چوهدري فواد حسېن سره خبري كانفرنس ته د وېنا كولو په مهال ووئيل انتخابي اصلاحات يوه داسې مسئله ده چې په نتيجه كښې به ئې آئيني بحران هم راپېدا نه شي بلكې په آئيني ادارو به باور زيات شي. ده ووئيل د كال 2013م په ټاكنو كښې په هېواد كښې د درغلې طوفان هغه راغلے ؤ كله چې يو جج صاحب ريټرنګ آفسرانو ته خطاب وكړو. هغه وخت 22 سياسي ګوندونو د كال 2013م ټاكنې د آر اوز ټاكنې ګرځولې وې. د دې نه پس پي ټي آئي يوازې د څلورو حلقو پرانستلو غوښتنه كړې وه خو خبره ئې ونه منلې شوه او بيا پي ټي آئي د تاريخ تر ټولو لوي احتجاج وكړو او دهرنا ئې وركړه. ده ووئيل وزيراعظم د انتخابي اصلاحاتو كولو پرېكړه كړې. په دې لړ كښې د الېكشن اېكټ 2017م په 49 شقونو كښې د تراميم كولو پرېكړه شوې. ده ووئيل په اېكټ كښې به ځينې نوي شقونه هم شاملولې شي او ځينې به ختم كړې شي. ده ووئيل سره د ستونزو او د كورونا صورتحال د خاص كمېټو او قامي اسمبلۍ غونډې وكړې شوې. ده ووئيل د اپوزيشن د سنجيدګۍ اندازه د دې خبرې نه لګېدې شي چې يو صاحب د كوټ ويستلو نه بس په وفاقي وزير حملې كولو لپاره ورمنډه كړې وه او يو پخواني وزيراعظم سپيكر په څپلۍ د ويشتلو خبرې كړې. ده ووئيل وزيراعظم وئيلي دي چې د حكومت د انتخابي اصلاحاتو اېجنډا به سول سوسائټۍ، اے پي اېن اېس، پي پي اېن اې، بار كونسل اېسوسي اېشنز او د پرېس كلبز كچې ته وړلې شي. ده ووئيل د كال 2018م نه تر كال 2021م د درغلې تورونه لګولے كېږي خو په كوم يو فورم هم د درغلې يو ثبوت هم وړاندې نه كړے شو. ده ووئيل د وزيراعظم وژن له مخې د الېكشن اېكټ 2017م په شق 103 كښې به بدلون كولې شي چې له مخې به ئې د الېكټرانك ووټنګ مشين استعمال وكړے شي. ده ووئيل سمندر پورې پاكستانيانو ته د ووټ حق وركولو لپاره به په سېكشن 94م كښې ترميم كولې شي ۔ په سېكشن 202م كښې به هم ترميم كولې شي او 213 اے نوے شق به معرفي كولې شي.بابر اعوان ووئيل د پولنګ سټاف په ضد د ګېلو لرې كوول لپاره په شق 15م كښې ترميم كولې شي. ده ووئيل مونږ په كال 2020م كښې د اكتوبر په 16مه نېټه انتخابي قوانين ترميمي بل قامي اسمبلۍ كښې وړاندې كړے چې ترواسه ئې كومه پرېكړه نه ده شوې. په دې لړ كښې به مونږ نورې لارې هم خپلوو. ده ووئيل د سېنېټ ټاكنې د اوپن بېلټ د لارې كولو او بهر مېشته پاكستانيانو ته په ټاكنو كښې د برخې اخستو اجازې لپاره به دوه بدلونونه كولې شي. د يوې پوښتنې په ځواب كښې ده ووئيل پارلمان د كوم يو ګوند نه بلكې د ټولو دے. د يوې پوښتنې په ځواب كښې ده ووئيل د الېكشن اېټ 2017م په شق 11م كښې د بدلون كولو د لارې به د ټاكنو كميشن ته نوره خپلواكي هم وركړې شي. ده ووئيل د شهباز شريف دا وئيل سم نه دي چې ټولې نړۍ د الېكټرانك ووټنګ مشين استعمال رد كړے. د هند مثال زمونږ په وړاندې دے. ده ووئيل يو بل ترميم كولې شي چې د لارې به ئې د سېنېټ او قامي اسمبلۍ د هغو ټاكلے شوو غړو چوكۍ ختم ګڼلې شي كوم چې په 60 ورځو كښې سوګند پورته نه كړي.